Sojoji Sun Halaka Yan Ta'adda 3 da Ceto Mutanen da Suka Yi Garkuwa da Su

• Dakarun sojoji na atisayen 'Operation Hadarin Daji' sun sheƙe ƴan ta'adda uku a wani artabu a jihar Sokoto
• A yayin artabun da aka yi a ƙauƴen Bauni na jihar, ƴan ta'adda uku sun gamu da ajalinsu tare da kuɓutar da mutum shida da suka sace
• Dakarun sojojim sun kuma ƙwato makamai masu tarin yawa tare da lalata wuraren da ƴan ta'addan ke ɓoyewa

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Jihar Sokoto - Dakarun sojoji na atisayen 'Operation Hadarin Daji' sun kashe ƴan ta'adda uku tare da kuɓutar da wasu mutum shida da aka yi garkuwa da su a jihar Sokoto.

Rundunar sojin Najeriya ta bayyana hakan a wata sanarwa da ta fitar a ranar Juma’a, inda ta ce hakan ya faru ne biyo bayan harin da aka kai wa ƴan ta’addan.

Kara karanta wannan

Dakarun sojoji sun sheke manyan kwamandojin yan ta'adda 4, an bayyana sunayensu

Jaridar Channels tv ta ce dakarun sojojin dai sun halaka ƴan ta'addan ne a wata fafatawa da suka yi a ƙauyen Bauni na jihar.

Yadda aka halaka ƴan ta'addan

Wani ɓangare na sanarwar na cewa:

"Fatattakar ƴan ta'addan wanda ya auku a ranar 14 ga watan Disamba, a ƙauyen Bauni da dajin Bauni na jihar, ya sanya an yi musayar wuta wanda ya ɗauki tsawon sa'o'i."

"Sai dai, jajircewar dakarun sojojin da ƙarfin makaman da suke da su ya tilasta wa ƴan ta'addan barin maɓoyarsu da tserewa cikin ruɗani wanda hakan ya sanya aka ceto mutum shida da suka yi garkuwa da su."

"An halaka ƴan ta'adda uku da ƙwato bindiga ƙirar AK-47 guda biyu, da jigidar bindiga 19, harsasai, bindigu biyu ƙirar gida, babura, rediyon magana da sauran kayayyaki."

"Dukkanin wuraren da aka gano ƴan ta’adda suna ɓoyewa tare da baburan da aka ƙwato an lalata su nan take."

Kara karanta wannan

Betta Edu: Matasa marasa aikin yi sun aike da sako mai muhimmanci ga ministar Tinubu

Sojoji Sun Sheke Kwamandojin Ƴan Ta'adda

A wani labarin kuma, kun ji cewa dakarun sojoji sun samu nasarar halaka kwamandojin ƴan ta'adɗa huɗu a wasu hare-hare.

Sojojin sun halaka ƴan ta'addan ne waɗanda suka yi ƙaurin suna wajen aikata ta'addanci a Arewacin Najeriya, a hare-haren haɗin gwiwa da sojojin sama.

Asali: Legit.ng