Wani Mutum Ya Nunawa Duniya Gidan da Ya Yi Rayuwa Tsawon Shekaru 7 Kafin Ya Zama Mai Arziki

• Wani matashi ya ba da labari mai ban mamaki kan yadda ya tashi daga gidan talakawa zuwa hadadden gida bayan shafe shekaru bakwai yana aiki tukuru
• Ya ce bai taba yanke kauna ba cewa rayuwa za ta inganta a gare shi kuma cewa mafarkinsa zai zama gaskiya
• Bidiyon ya kuma nuna sabon gidansa, wanda aka yi wa ado da kayan alatu kuma ya fi na baya ababen more rayuwa

Wani matashi ya bayyana yadda ya sauya irin rayuwar da yake yi daga zama a gidan talakawa zuwa wani mai dankaren kyau bayan shafe tsawon shekaru bakwai yana fadi tashi.

Ya ce a koda yaushe yana tunani mai kyau sannan ya sanya a ransa cewa rayuwa za ta inganta gare shi kuma mafarkinsa zai zama gaskiya.

Kara karanta wannan

Kano: Kotun musulunci ta umurci magidanci ya karbi ɗan da ya ke kokwanton ba nasa bane

Bidiyon ya baje kolin sabon gidansa, wanda aka kawata sosai kuma ya fi na baya ababen more rayuwa a ciki.

Kalli bidiyon a kasa:

Jama'a sun yi martani kan sauyin da matashi ya samu a rayuwa

Legit Hausa ta tattaru wasu daga cikin martanin jama'a a kasa:

Cyndi ta ce:

"Allah sai yaushe? Ina so na share hawayen mahaifiyata."

User636363836 ya rubuta:

"Hatta ga tsohon gidan yana da kyau shima."

Anondecherryb ta yi martani:

"Na tayaka murna dan uwa. Allah ne gaskiya a rayuwa."

IhenwaPrecious:

"Na tayaka murna, na san daya daga cikin iyayengijina za su yi mun irin haka da dangi na."

I'mSomtoochukwu:

"Na tayaka murna ina yi wa dangina ma fatan samun irin wannan."

JulietAkpabio:

"Allah zai kara azurtaka fiye da wannan."

Divineuzoma278:

Kara karanta wannan

Wayyo Gida Na: Jigon PDP Ya Kai Kuka, Gwamnatin APC Za Ta Rusa Masa Muhalli

"Na tayaka murna nima haka labarina zai kasance Amin."

Joybeautiful28:

"Na tayaka murna dan uwa."

Matashi ya dankara gida na zamani

A wani labari na daban, wani matashi dan Najeriya mai suna @bansi342 wanda duniya bata san irin sana’arsa ba yake yi ba ya baje kolin katafaren gidan da ya ginawa kansa.

Da yake wallafa bidiyon gidan a yanar gizo, matashin ya girmama batun mallakan gida fiye da kashe miliyoyin kudi kan motoci. Ya yi bidiyon cikin harabar gidan nasa wanda ke babur fake a cikinsa.

A wani bidiyon kuma, matashin ya bayyan cewa ya gamsu da yadda yake kashe kudadensa. Ya kawata gidan ta yadda kana ganinsa z aka san kudi ya yi kuka.

Asali: Legit.ng