An Shiga Rudani Yayin da Aka Tsince Gawar Lakcara a Jami’ar Neja, an Mata Yankan Rago
- An bayyana yadda wata mata malamar jami'a ta rasa ranta a cikin gidanta da ke birnin Minna a jihar Neja
- An tsinci gawar matar bayan da aka yi mata yankan rago a cikin gidanta, lamarin da ya dauki hankali sosai
- Ba wannan ne karon farko da ake hallaka mata a cikin gidajensu ba a Najeriya, hakan ya sha faruwa a baya
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Salisu Ibrahim kwararren editan fasaha, kudi da al'amuran yau da kullum ne, yana da gogewar aikin jarida da rubuce-rubucen adabi sama da shekaru takwas.
Minna, Neja - An tsince gawar wata lakcara a Jami'ar Fasaha ta Tarayya da ke Minna a jihar Legas, Dr. Adefolalu Funmilola Sherifat bayan an yi mata yankan rago a gidanta da ke Gbaiko a birnin.
Shugaban kungiyar malaman jami'a ta ASUU a jami'ar, Farfesa Gbolahan Bolarin ya tabbatar da aukuwar wannan lamari ga kafar yada labarai ta Channels Tv.
Asali: UGC
A cewar Farfesa, an gano gawar tata ne a ranar Lahadi da safe a lokacin da mambobin cocinsu suka biyo gidanta bayan gane bata zo coci ba a makon nan.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Yadda aka gano mutuwarta
A cewar wasu mazauna yankin, bayan bude kofar gidan da karfi, an ganta kwance cikin jini tare da wuyanta a yanke ga kuma wuka a gefenta.
A halin da ake ciki, 'yan kira 'yan sandan yankin don daukar gawarta zuwa dakin ajiye gawarwaki a asibiti mafi kusa a yankin.
Kakakin rundunar 'yan sandan jihar, Wasiu Abiodun ya shaidawa Channels Tv cewa, za a sanar da 'yan jarida duk wani sakamako na bincike game da mummunan lamarin.
Waye mijin mamaciyar?
Wasu mazauna yankin sun bayyana cewa, mijin malamar mai koyarwa a jami'a, wanda shi ma a lakcara kafin mutuwarsa ya riga ta rasu tun can baya.
Ya zuwa rasuwarta, an ce tana rayuwa ne da 'yar aiki, amma ta sallame ta a ranar Juma'ar da ta gabata kafin rasurwata, inji 'yan unguwar.
An kama wanda ya kashe mata a gidanta
A wani labarin mai kama da wannan, tuni 'yan sanda suka kama wani matashin da ake zargin ya yiwa dattijuwa kisan gilla a wani yankin jihar Gombe.
A rahoton da muka kawo maku a baya, an bayyana yadda aka tsinci gawar wata mata kwance cikin jini a dakinta bayan yi mata kisan gilla.
Hankali ya tashi, 'yan sanda sun yi binciken da ya kai ga gano wanda ya aikata mummunan aikin cikin mako guda.
Asali: Legit.ng
