Mutum Miliyan 1 Za Su Rasa Aikinsu Yayin da Shugaba Tinubu Ya Dakatar da N-Power

• Shugaban kasa Bola Ahmed Tinubu ya dakatar da tsarin N-Power da aka yi shekaru bakwai ana yi
• Hakan zai shafi mutane musamman matasa da-dama da ke samun kudin kashewa a karkashin aikin
• Za ayi bincike a kan abubuwan da su ka gudana, babu ranar dawowa da tsarin na N-Power a Najeriya

Abuja - Mutum fiye da miliyan guda za su rasa hanyar samun kudi a karkashin tsarin N-Power da gwamnatin tarayya da dakatar.

Punch ta ce matakin da gwamnatin Bola Ahmed Tinubu ta dauka zai shafi dinbin matasan da su ke karbar N30, 000 a kowane wata.

Shugaba Muhammadu Buhari ya fito da tsarin domin rage yawan matasan da ke zaman banza.

Za ayi aman miliyoyi daga N-Power

Alkaluman da aka samu daga ma’aikatar jinkai sun nuna zuwa yanzu akwai matasa 1,300, 000 da su ke yi ko su ka amfana da tsarin.

Kara karanta wannan

Da Dumi-Dumi: Gwamnatin Tarayya Ta Dakatar Da Shirin N-Power, Ta Bayyana Dalilai Masu Zafi

A ‘yan sahun farko akwai mutane 300, 000 sai wasu mutum 510, 000 a sahu na biyu, sannan akwai matasa 490, 000 da ke sahu na uku.

Rahoton ya ce zuwa yanzu ba a san adadin wadanda aka yaye daga karkashin tsarin ba, amma da-dama su na cin moriya har yanzu.

Aikin N-Power ya tsaya cak

Sanarwar da gwamnatin tarayya ta fitar a ranar Asabar ya tabbatar da matasan da su ke samun na-kashewa a tsarin sun koma gidan jiya.

Mafi yawan masu aikin na N-Power su na koyarwa ne a makarantun gwamnati, sai dai gwamnati ta na zargin akwai sakaci a aikin na su.

Ana ganin wasu ma’aikatan ba su aikin da aka ba su, amma N-Power ta na biyansu albashi, wannan ya jawo ake bincike tun ba yau ba.

Hukumar ICPC ta na cikin masu binciken ba daidai ba da ake zargin ana aikatawa a tsarin.

Kara karanta wannan

Hisbah: An Samu Masu Juna Biyu da Kanjamau Cikin Masu Neman Auran Gatan Kano

Atiku Abubakar v Bola Tinubu

A bangaren siyasa, an ji labarin yadda Atiku Abubakar ya hurowa Bola Tinubu wuta a kan zargin ya yi karya kan takardun kammala jami’a.

Lauyan da ke kare shugaban Najeriya a birnin Chicago, Wole Afolabi ya ce babu inda ke nuna Bola Ahmed Tinubu ya aikata laifin da ake zargi.

Asali: Legit.ng