Babbar Malamar Addini Ta Bayyana Zabin Allah a Tsakanin Atiku, Tinubu da Peter Obi
- Atiku Abubakar, ɗan takarar shugaban ƙasa na jam'iyyar PDP da Peter Obi na jam'iyyar Labour Party da jam'iyyar APM na ƙalubalantar nasarar Shugaba Tinubu a zaɓen 2023
- Ranar Laraba, 6 ga watan Satumba, an zaɓeta a matsayin ranar da za a yanke hukunci kan ƙararrakin da ke ƙalubalantar nasarar Shugaba Tinubu.
- A yayin da ake jiran hukuncin kotun, wata babbar fasto mace, Christiana Eunice, ta bayyana wani sabon hasasshe inda ta ce Peter Obi shi ne zaɓin Allah da zai kawo sauyi a Najeriya
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Warri, jihar Delta - Fasto Christiana Eunice, wacce ta kafa cocin Covenant Of God Church Praise Sacrament, a ranar Talata, 5 ga watan Satumba, ta bayyana cewa Peter Obi, ɗan takarar shugaban ƙasa na jam'iyyar Labour Party (LP), shi ne zaɓin Allah.
A yayin da take magana a WomanOfGod TV, fasto Eunice ta bayyana cewa gwamnatin jam'iyyar All Progressives Congress (APC), kallon da ƴan Najeriya su ke mata ba haka take ba.
Asali: Facebook
Ta bayyana jam'iyyar a matsayin "baƙa" wacce take nuna kanta a matsayin "fara".
Peter Obi shi ne zaɓin Allah, Fasto Eunice
Malamar addinin ta buƙaci ƴan Najeriya da su yi wa dimokuraɗiyyar ƙasar nan addua.
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
A kalamanta:
"Akwai wani abu da na gani. Mu yi wa dimokuraɗiyyar mu addu'a. Saboda wannan gwamnatin ta yanzu ba yadda ku ke tunani take ba."
"Za su riƙa nuna su farara ne amma a ɓoƴe ba haka take ba. Ku yi wa dimokuriɗiyyar ku addu'a."
Fasto Eunice ta cigaba da cewa:
"Ko ana so ba a so, Peter Obi, zaɓin Allah ne."
"Shi ne wanda aka rubuta zai kawo sauyi a Najeriya. Ƴan Najeriya ku yi addu'a, ku yi addu'a ga mutumin da Allah ya ba Najeriya ya kula da ita."
"Ina magana ne a matsayin fasto. Allah ya zaɓi Peter Obi, sannan daga gare shi ne sauyi zai zo."
An Sauya Kalaman Mbaka Kan Tinubu
A wani labarin kuma, kun ji cewa wani mai tashar YouTube ya sauya ainihin kalaman da Rabaran Mbaka ya yi a kan Shugaba Tinubu.
Mai tashar YouTube ɗin ya sauya kalaman na Mbaka inda ya ke cewa, faston ya gaya wa Shugaba Tinubu ya shirya barin ofis, alhalin ba haka faston ya ce ba.
Asali: Legit.ng
