Rundunar Sojin Sama Ta Kashe Yan Ta’addan ISWAP Masu Yawan Gaske a Jihar Borno

• Dakarun rundunar sojojin saman Najeriya sun yi gagarumin nasara a kan mayakan kungiyar ta'addanci da suka addabi yankin arewa maso gabas
• Sojojin sun yi yayyafi wuta a kan mayakan ISWAP da dama a yankin Marte da ke jihar Borno
• An kai farmakin ne bayan binciken sirri ya nuna akwai yan ta'adda masu yawan gaske a yankin

Borno - Dakarun rundunar sojojin saman Najeriya sun halaka mayakan kungiyar ta'addanci na ISWAP da dama a wani mummunan hari da suka kai masu ta sama a ranar Laraba, 5 ga watan Yuli.

Zagazola Makama ya rahoto cewa rundunar sojin saman ta yi wa mayakan yayyafin wuta ne a kusa da Marte, hedkwatar wata karamar hukuma a jihar Borno da ke arewa maso gabashin Najeriya.

Dakarun Operation Hadin Kai sun ragargaji yan ISWAP ta sama

Kara karanta wannan

Yanzu-Yanzu: Shugaba Tinubu Ya Sa Labule da Shugaban APC Na Ƙasa da Sakatare a Villa

An kashe yan ta'addan ne a wani farmaki da rundunar sojin Operation Hadin Kai suka kai ta sama a Tumbum SHITTU.

Kwararren masanin lamarin tsaro a yankin tafkin Chadi, Zagazola Makama, wanda ya bayyana haka a ranar Alhamis, 6 ga watan Yuli, ya ce an aiwatar da farmakin sojin ne bayan bincike ya nuna akwai tarin yan ta'addan a yankin.

Wata majiyar sirri da ta nemi a sakaya sunanta ta ce:

"An kai harin saman ne da nufin kawar da mabuyan yan ISWAP."

Gwamnatin Babagana Zulum ta sha alwashin daukar mummunan mataki a kan mayakan ISWAP

A wani labari na daban, gwamnan jihar Borno, Babagana Zulum ya nuna bakin cikinsa a kisan gillar da mayakan ISWAP suka yi wa wasu manoma takwas a karamar hukumar Mafa ta jihar Borno.

Kara karanta wannan

Fashin Fadar Sarkin Minna: Bincike Ya Nuna Da Dan Gari Aka Ci Gari, An Tabbatar Da Mutuwar Dogarawa 2

An dai farmaki manoman ne garuruwan Shuwarin, Tomsu Ngamdu, Baram Karauwa da Muna a ranar Alhamis, yayin da suke tsaka da aiki a gonakinsu

Zulum wanda ya ziyarci Mafa, ya bayyana lamarin a matsayin abin takaici.

An kashe kasurgumin dan bindigan Zamfar, Dogo Gudali

A gefe guda, mun ji cewa kasurgumin shugaban yan bindiga, Dogo Gudali, wanda ya addabi al'umma musamman a jihar Zamfara ya kwanta dama

Gudali ya hadu da ajalinsa ne bayan wasu mambobin kungiyarsa na ta'addanci sun dana bam da nufin farmakar dakarun sojoji.

Asali: Legit.ng