Hotunan Yadda Mai Mata 2 Ke Cin Duniyarsa da Tsinke Tare da Matansa Sun Jawo Cece-Kuce

• Jama’a sun yi ta cece-kuce bayan ganin wani kalan daukar hoto na wasu ma’aurata; mata biyu da mijinsu daya
• An ga masoyan na cin duniyarsu da tsike a cikin kaya iri daya, ga kuma mijin na kwance a kan cinyoyin matansa biyu
• Kishin wasu mata ya tashi a kafar sada zumunta, wasu kuma suka ce ba za su taba iya auren namijin da ke da mata ba

Wasu hotuna sun yadu a kafar sada zumunta na yadda wani magidanci yake shan soyayya daga matansa kyawawa, lamarin da ya jawo cece-kuce.

Mutumin da ba a gano waye shi ya sanya kaya iri daya da matansa biyu, inda suka dauki hotuna masu daukar hankali.

A daya daga cikin hotunan da aka yada a TikTok, mutumin ya kwanta a kan cinyoyin matansa biyu kamar karamin yaro. A sauran hotunan kuwa, yana sumbatarsu a baki.

Kara karanta wannan

An samu tangarda: Saurayi ya fusata, ya kone gidan su tsohuwar budurwarsa kurmus

Ya zuwa lokacin hada wannan rahoton, kafar sada zumunta ta dauki dumi, mutane sama da miliyan 4 ne suka kalli hotunan da ke cike da cece-kuce.

Kalli hotunan:

Martanin jama’a

Mutane da yawa sun bayyana abin da suka ji da ganin wadannan hotunan masu daukar hankali, ga kadan daga ciki:

@Call-mi-Diva:

“Babu wanda naga yana magana game da hoto na ukun.”

@Queen daro:

“Wannan ba zai taba faruwa dani ba, ba kuma zai faru da tsatso na ba.”

@user37352094517020:

“Allah ya mana rahama mu mata.”

@osehtarawally2:

“Ka yi abin da ke saka maka farin ciki, wannan shine kyawun rayuwa.”

@Fafa Jocelyne:

“Ba zan taba hada miji da wata ba gaskiya ‘yan uwa mata Musulmai ina taya ku murna.”

@Ismael Coulibaly290:

“Dan uwana har yanzu saura maka biyu ka cike abin da Allah ya shar’anta maka.”

Kara karanta wannan

Abin takaici: An kashe malamin addinin Muslunci daidai lokacin buda baki a wata jiha

@Omarion:

“Na duba martanin jama’a, kamar wasu basu taba ganin haka ba, amma iyayenku 2 da 2 ne a gida, daidai ne.”

Yadda saurayi ya gwangwaje budurwarsa da abinci mai ban mamaki

A wani labarin kuma, kun ji yadda wani saurayi ya ba budurwarsa abinci mai daukar hankali a lokacin da ta kai masa ziyara.

An ga hoton doya da manjan da saurayin ya ba budurwar, lamarin da ya jawo cece-kuce a kafar sada zumunta ta Twitter.

Mutane da yawa sun bayyana cewa, ba laifi bane don ya ba ta kalan abincin, watakila iyakar abin da yake dashi kenan.

Asali: Legit.ng