Yadda Aka Dauki Bidiyon Kwamishinan Bauchi Yana Raba Kudi Gabanin Zaben Gwamna
- Wani bidiyo ya nuna lokacin da wani kwamishinan jihar Bauchi ke ba da kudi ga wasu mutane a jajiberin zaben gwamnoni
- Bidiyon da muka ya nuna cewa, alamu sun bayyana yana kokarin ba da kudin ne don jan hankalin masu kada kuri'u
- Ba sabon abu bane a Najeriya 'yan siyasa su saye kuri'u daga hannun talakawan gari a duk sadda zabe ya tashi
Jihar Bauchi - Wani bidiyon da ya yadu a kafar sada zumunta ya nuna lokacin da kwamishinan matasa da wasanni na jihar Bauchi, Adamu Manu Soro na rabon kudi gabanin zaben gwamna.
A bidiyon, an ga yana zagaye da 'yan sandan da ke ba shi kariya a lokacin da yake rabon kudin a ranar Juma'a; jajiberin zaben gwamnoni da 'yan majalisar wakilai.
Hukumar zabe mai zaman kanta (INEC) ta sha bayyana matsayarta na yakar masu siyan kuri'u a zaben bana.
Asali: UGC
Hakazalika, an ce an tura jami'an tsaro a yankuna daban-daban don kama masu siyan kuri'u a yankunan kasar nan.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ya zuwa yanzu dai, ana ci gaba da samun rahotannin yadda ake ganin masu siyan kuri'u a kasar.
Ana raba kudi ga mata, da matasa
A bidiyon da muka gani, akwai tarin mata da ke layi suna karbar kudin daga hannun kwamishinan.
Daga cikin matan, akwai wadanda ke dauke da kananan yara a lokacin da kwamishinan ke tsaye yana kirga kudade a gefe.
Wata murya da ke cikin bidiyon na cewa, duk matar da aka ba ta kudi ta tabbata ta zabi lema; wato jam'iyyar PDP mai mulkin jihar.
Kalli bidiyon:
Ba lallai gwamnan Bauchi ya ci zabe ba
A wani labarin, rahoto ya bayyana jerin wasu gwamnoni biyar masu ci da ake tunanin ba lallai su ci zaben da aka yi a bana ba na gwamnoni.
Daga cikinsu, akwai gwamnan jihar ta Bauchi, Bala Muhammad duba da wasu dalilai da kuma karfi da tasirin dan takarar jam'iyyar APC a jihar da ke Arewa maso Gabas.
A yau dai an yi zabe, ana ci gaba da kirga kuri'u domin sanin wanda ya lashe zaben gwamna da na 'yan majalisun jiha.
Asali: Legit.ng
