Labarai

IPOB Ta Shiga Jerin Kungiyoyin Yan Ta'adda 10 Mafi Hatsari a Duniya

An wallafa 16 Mar 2023

daga Ahmad Yusuf

2 - tsawon mintuna

Rahoton ta'addanci na duniya (GTI) ya sanya IPOB a cikin jerin ƙungiyoyin yan ta'addda 20 masu haɗari a duniya.

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Ƙungiyar masu fafutukar kafa ƙasar Biafara (IPOB) ta kai matsayi na 10 a cikin jerin ƙungiyoyin 'yan ta'adda mafi haɗari a faɗin duniya.

Shugaban IPOB, Nnamdi Kanu. — DSS sun raka shugaban IPOB zuwa wajen Kotun tarayya Hoto: Kola Sulaiman/AFP
Source: UGC

Makarantar tattalin arziki da kuma bin diddigin ayyukan ta'addanci a duniya ce take wallafa rahoton GTI. A sabon rahoton da ta fitar ranar Talata 14 ga watan Maris, IPOB na matsayi na 10.

Jerin ƙungiyoyin 'yan ta'adda 20 mafi hatsari a duniya

Matsayi	Sunan kungiya	Adadin kisa	Hare-hare	Yawan masu rauni
1	IS	1045	410	644
2	Al-shabaab	784	315	1016
3	IS ta lardin Khorasan	498	141	132
4	Jama'atu Nusrat Islam (JNIM)	279	77	215
5	Balochistan Liberation Army (BLA)	233	30	113
6	Islamic State West Africa (ISWAP)	219	65	118
7	Boko Haram	204	64	51
8	Taliban ta Pakistan	137	90	187
10	Yan awaren IPOB	57	40	16
11	Kurdistan Workers Party (PƘK)	40	54	150
12	Communist Party a Indiya	39	61	30
13	Al-Qaeda ta yankin larabawa (AQAP)	17	6	23
14	FARC ta ƙasar Colombia	16	17	37
15	New Peoples Army (NPA)	19	13	25
16	Ƙungiyar LeT	8	6	38
17	Balochistan Liberation Front (BLF)	6	4	8
18	National Liberation Army (ELN)	5	28	77
19	Islamic Jihad	5	2	10
20	Belochistan Republic Army	4	1	8

Kara karanta wannan

Da Dumi-Dumi: Ana Dab Da Zabe, 'Yan Bindiga Sun Yi Awon Gaba Da Sakataren APC a Jihar Rivers

DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka

IPOB ta kafa tarihin a shekarar 2022 - GTI

A cewar rahoton aikata ta'addanci na duniya (GTI), ƙungiyar IPOB ta kaddamar da hare-hare da kashe-kashe mafi yawa a tarihinta a shekarar 2022.

"Kungiyar IPOB, wacce gwamnatin Najeriya ta ayyana a matsayin ƙungiyar ta'addanci ta aikata ta'asa mafi muni a 2022. Su ke da alhakin kai hare-hare 40 da kisan 57 a 2022."

"Hakan ya nuna an samu karin hare-hare 26 da kisan mutane 34 idan aka kwatanta da shekarar da ta gabaci 2022," inji rahoton.

A wani labarin kuma Najeriya ta koma matsayi na 36 a jerin kasashe masu karfin sojoji 145 na faɗin duniya

A sabon rahoton da aka fitar, Najeriya ta samu koma baya da matsayi ɗaya, daga matsayi na 35 zuwa matsayi na 36 a duniya.

Haka zalika a jerin kasahen nahiyar Afirka, Najeriya ta sake matsawa baya da matsayi ɗaya a sabon rahoton.

Kara karanta wannan

Jerin Mata 24 Da Ke Takarar Kujerar Gwamna a Zaben Ranar Asabar

Asali: Legit.ng

Authors:

Ahmad Yusuf (Hausa editor) Ahmad Yusuf ma'aikacin jaridar Legit.ng sashin Hausa ya fara aiki a 2021, ya kware wajen kawo labarai da rahotanni da suka shafi siyasa da al'amuran yau da kullum. Matashin ɗan jaridar ya koyi Lissafi a digirinsa na farko a Jami'ar Kimiyya da Fasaha da ke Wudil, Kano (KUST) ya kuma samu shaidar kwarewa a fannin aikin jaridar zamani daga Reuters a 2022. Kafin fara aiki da Legit Ahmad ya yi aiki da jaridu da dama na turanci da Hausa tun 2012. Mail: ahmad.yusuf@corp.legit.ng 07032379262

Tags:

Yan ta'adda Kudu maso gabashin Najeriya Yaki da ta'addanci a Najeriya