Ta Hadu: Bidiyon Yadda Wata Kyakkyawar Budurwa Mai Kafa Daya Ta Tika Rawa Cike Da Kwarewa Ya Ja Hankali

• Wata kyakkyawar budurwa yar Najeriya mai kafa daya ta burge zukata soshiyal midiya da bidiyon rawanta
• A wata wallafa da ta yi a TikTok, matashiyar ta takarar rasa cikin kwarewa kuma jama’a sun yaba kyawunta
• Da suke martani ga bidiyon, wasu jama’a sun nuna soyayyarsu gareta sannan su yi mata addu’ar ci gaba da dawwama a farin ciki

Wata matashiyar budurwa yar Najeriya, Cindy Chilaka, ta shahara a soshiyal midiya bayan ta wallafa bidiyon rawanta a TikTok.

A bidiyon mai kayatar da zuciya, an gano matashiyar tana rawa yayin da masu amfani da soshiyal midiya ke yaba kyawunta.

Sanye da jan tufafi da gajeren wando, kyakkyawar budurwar ta girgiza jikinta daidai da kidan sautin da ke tashi a bidiyon.

Jama’a da suka ci karo da bidiyon a TikTok sun yi jinjina a gareta tare da yaba karfin gwiwarta.

Kara karanta wannan

Shugaba Buhari Ya Roki Gwamnatin Dubai Ta Cirewa yan Najeriya Takunkumin Hana Shiga

Jama’a sun yi martani

@reshapeupyourshape ta ce:

“A zahirin Gaskiya, Allah madaukakin sarki yana da mu’ujiza. Tsayuwa a kan kafa daya kawai tare da yin rawa haka alhalin mu masu kafa biyu ba Za mu iya haka ba! Ma shaa Allah!”

@mimzytik ta ce:

“Na so karfin gwiwar ki yar’uwa. Wannan shine abun da kawai zai sa ki farin ciki kwasar nishadi ba tare da duba nakasarki ba..waw.”

@frankad18 ya rubuta:

“Ke ta daban ce. Na kasa iya tsayar da hawayena da na ga cewa kina matukar farin ciki. Ina taya ki murna yar’uwa.”

@ladyklassik ta ce:

“Kina da kyau sosai, Ina ganin ta taba haduwa da ke, mun shiga mota daya daga Ph zuwa mbaise.”

Kalli bidiyon a kasa:

Babu ni babu yiwa namiji tayin soyayya, budurwa ta bayyana yadda wani da ta so ya bada mata kasa a ido

Kara karanta wannan

Babu Kunya: Budurwa Ta Ziyarci Mahaifinta Mai Tabin Hankali a Ranar Bazdai Dinsa, Ta Yi Rawa Tare Da Shi a Bidiyo

A wani labarin, wata kyakkyawar budurwa ta bayyana yadda abubuwa suka kaya tsakaninta da wani matashi da ta hadu da shi a soshiyal midiya.

Matashiyar dai ta bibiyi shafin saurayin wanda ta ga ya yi mata sannan ta yi masa magana amma ya dungi amsa mata a dakile.

Bata yi kasa a gwiwa ba inda ta tambaye shi ko bai da budurwa amma ya ce mata yana da ita.

Asali: Legit.ng