Miliyan 1 Nake Biya Duk Shekara: Matashi Ya Baje Kolin Hadadden Gidan Da Yake Haya a Bidiyo

• Wani matashi dan Najeriya da ke zama a Lagas ya baje kolin katafaren gidan da yake biyan haya naira miliyan 1 duk shekara
• Mutumin wanda ya kewaya don nuna lungu da sako na gidan mai dakuna uku ya ba mutane mamaki duba da yadda ya kawata gidan
• Daga cikin wadanda suka yi martani ga bidiyon gidan akwai masu amfani da TikTok da suka ce farashinsa ya fi haka a wasu yankunan

Wani hazikin dan Najeriya mai suna @walesmorqan, wanda ke yin bidiyoyi masu kayatarwa a TikTok ya tambayi wani mazaunin Lagas nawa yake biya kudin hayar gidansa duk shekara.

A lokacin da mutumin ya fada masa naira miliyan 1.180, matashin ya nemi ya sakaya da shi cikin gidan don mutane su ganewa idanunsu.

Hadadden gidan haya a Lagas

Gidan wanda ke yankin Awoyaya na jihar yana dauke da dakuna uku da wani dakin waka. Gidan mutumin ya sha gyara sosai da kayan alatu.

Wani bangare na gidan na dauke da furannin roba hange a saman silin. Yadda aka kawata cikin gidan ya baiwa @walesmorqan sha'awa.

Kalli bidiyon a kasa:

Jama'a sun yi martani

Scarlett ya ce:

"A lokacin da na ga furannin nan take na san cewa yana da mace wacce ta tsara gidan."

Chisom Samuel ta ce:

"Gidana a Agege N60k nake biya shekara..amma na yarda zan kan matsayinsu."

clair Becky 456 ta ce:

"Wannan gidan ya hadu matuka."

37threads_ng ya ce:

"Ina a Lagas??? Ina bukatar irin wannan gidan."

Gabby.042ya ce:

"Lol ya kamata wannan ya fi 1.8m koda dai ya danganta da inda gidan yake."

Damii ta ce:

"Tsaya, 1.1M??? Wannan ya fi 2M a Abuja."

Kemisola ta ce:

"Gayen nan ya karya mun zuciyata ka yi aure."

Kyakkyawar matashiya mai dirarriyar sura ta dauka hankali a intanet

A wani labarin, mun ji cewa jama'a sun tofa albarkacin bakunansu bayan cin karo da bidiyon wata kyakkyawar mata yar arewa wacce ke dauke da kyakkyawar sura a wajen wani taron biki.

Matar ta fito ta koro jawabi a wajen taron inda mijinta ya cika da alfahari da ita tare da yi mata yayyafin kudi.

Asali: Legit.ng