Sabuwar Mota: Hazikin Dan Najeriya Ya Kera Motar G-Wagon Ya Kuma Tuka Ta a Cikin Gari, Bidiyon Ya Yadu

• An gano wani hazikin dan Najeriya yana tuka motar G-Wagon wanda ya kera da hannunsa a cikin gari
• A wani bidiyon TikTok da Kingsley Reigns Idoko ya wallafa, an gano yaron yana tuka motar a harabar cikin gida yayin da ahlinsa ke jinjina masa
• Masu amfani da TikTok na ta jinjinawa matashin yaron sannan wasu na kira ga a bashi tallafi

Jama'a a soshiyal midiya sun jinjinawa wani matashin yaro da ya kera motar G-Wagon bayan cin karo da wani bidiyo a TikTok.

Wani mai amfani da TikTok, Kingsley Reigns Idoko, shine ya wallafa bidiyon a ranar Asabar, 31 ga watan Disamba kuma ya nuno yaron yana tuka motar a cikin gari.

Matashin yaron ya tuka motar G-Wagon din a harabar gidansu kuma danginsa suna ta jinjina masa a kan wannan fasaharsa.

Kara karanta wannan

Yadda Wani Mutum A Abuja Ya Kashe Abokin Aikinsa Ya Birne Gawarsa Saboda Kudi

Dan Najeriya da ya kera motar G-Wagon

Motar da aka yiwa bakin fenti kuma ya yi kama da G-Wagon tana ta juyawa ba tare da wata matsala ba.

Kingsley ya ce matashin kaninsa ne amma ya gaza bayanin yadda aka yi ya kera motar.

Ya rubuta a jikin bidiyon:

"Kanina ya kera wata motar G-Wagon dan Allah ku tayani yada shi."

Masu amfani da TikTok sun yabama yaron a kan wannan kokari nasa. Da dama sun yi kira ga a tallafawa mutane da suka nuna iyawarsu irin haka a bangaren fasaha.

Kalli bidiyon a kasa:

Jama'a sun yi martani

@user7007593736174Episode ya ce:

"Mugun ido ba zai taba ganinka Amin...Allah ya kara daukaka dan uwa."

@gilberttimothy301 ya yi martani:

"Ma shaa Allah! Allah ya kara daukaka dan uwa."

@Anthony moris ya yi martani:

"Kana da makoma mai kyau."

Kara karanta wannan

Ta tabo inda yake so: Amarya ta shafa kirjin ango a wurin biki, ya cika mata jaka da daloli

@Sammy ya ce:

"Abu ya yi kyau! Amma dan Allah jire logon Toyotan nan sannan ka saka naka logon."

@user37531645809204 ya yi martani:

"Ina son sanin gayen nan."

@Maskman ya ce:

"Ya nemi nashi logon mai kyau da kansa, amfani da logon Benz kamar sadaukar da nasarar shi gare su ne."

Dalibin Jami'a Ya Kirkiri Motar Daukar Kaya a Matsayin 'Project' Dinsa

A wani labarin, wani dalibin jami'ar Benin ya kera wata motar daukar kaya a matsayin 'project' dinsa na jami'a.

Asali: Legit.ng