Tare Suka Tashi: Bidiyon Karamar Yarinya Tana Rayuwa Cikin Kaji Ya Ba Da Mamaki, Suna Bibiyarta Kamar Mutane

• Wani bidiyon karamar yarinya tana wasa a gonar iyayenta cike da kaji ba tare da tsoron komai ba ya haddasa cece-kuce
• An gano yarinyar wacce ta taso kusa da gonar tare da sabawa da kajin tana tafiya a cikinsu inda suke take mata baya kamar wasu mutane
• Masu amfani da soshiyal midiya da dama da suka ga bidiyon sun yi mamakin yadda yarinyar ta sake sosai a tsakanin manyan kaji

Wata mata mai suna @cyruschick wacce iyalinta suka mallaki gonar kaji ta saki bidiyon diyarta Kayden da yadda take wasa a cikin gonarsu tun tana yar karama.

A farkon bidiyon, an gano yarinyar zaune cikin daruruwan kaji yayin da suke yawonsu kewaye da ita. Ta kasance cikin walwata a tsakaninsu.

Kyakkyawar yarinya na wasa da kaji

An kuma gano Hayden wacce ke shekaru uku a yanzu tana tafiya a wani budadden waje yayin da manyan kaji ke take mata baya tamkar ita ce shugabar su.

Kara karanta wannan

Daga hannun PDP muka gaji matsalar Boko Haram : FG Ta Maidawa Atiku martani

Har kamo kaji yarinyar tayi ba tare da tsoro ba. Mutane da dama sun nuna sha'awarsu kan yadda ta sake sosai da dabbobin.

Kalli bidiyon a kasa:

Jama'a sun yi martani

whitney ta ce:

"Na kasa gane dalilin da yasa da shekaruna amma har yanzu ina tsoron rike kaza."

everything_8908 ta ce:

"Na so wannan kamar kajin sun girma ne tare da ita."

user8080155500720 ya ce:

'"Yadda nake tsoron kajin nan sannan ga karamar yarin a nan tana sharholiyarta, ina son zama kamar ita."

Penguin ya ce:

"Na girma a gonar kaji kamar haka. akwai dadi sosai."

Bidiyon jinjira yar kwana kwana daya da ta yi murtuk da fuska ya ba da mamaki

A wani labarin, mun ji cewa jama'a sun cika da mamaki bayan ganin bidiyon wata jinjira yar kwana daya da ta yi kicin-kicen da fuska sai ka ce hadarin kaji.

Kara karanta wannan

A Ranar Aure, Ango ya Fasa Bayan Gano Amarya ta Kaiwa Tsohon Saurayinta Ziyarar Bankwana

Mutane da dama da ke amfani da soshiyal midiyan sun yi martani a kan bidiyon, sun ce ga dukkan alamu yarinyar bata shirya fitowa nan duniya ba amma mahaifiyarta ta yi karanbanin sumbulota.

Tuni dai bidiyon ya shahara a shafukan soshiyal midiya musamman ma a dandalin TikTok.

Asali: Legit.ng