Da Dumi-Dumi: Jami’an Tsaro Sun Kashe ‘Yan Bindiga Uku a Jihar Anambra

• Wasu tsagerun 'yan bindiga sun gamu da ajalinsu yayin da suka yi arangama da jami'an tsaro a jihar Anambra
• An ragargaji da dama, an kashe uku daga cikinsu, kamar yadda wani babban jami'i ya shaidawa majiyarmu
• 'Yan bindiga sun addabi yankuna da dama a Najeriya, suna aikata munanan ayyukan ta'addanci

Jihar Anambra - Hadin gwiwar jami'an tsaro a jihar Anambra sun yi bata-kashi da wasu tsagerun 'yan bindiga, sun hallaka uku.

Wannan lamari ya faru ne a ranar Laraba a Umunze, karamar hukumar Orumba ta Kudu a jihar ta Anambra.

Rahoton da muke samo daga jaridar The Nation ya bayyana cewa, an samu layu da guraye a jikinsu, musamman a kafa, wuya, kugu da hannaye.

An tattaro cewa, 'yan bindigan na cikin tsagerun da suka addabi mazauna yankin Orumba da kai munanan hare-hare a 'yan kwanakin nan.

Kara karanta wannan

Da Dumi-Ɗumi: Sojoji da 'Yan Sanda Sun Sheƙe Hatsabiban Yan Bindiga Uku, An Gano Wani Abu a Jikinsu

Ya zuwa yanzu dai ba a iya samun jin ta bakin mai magana da yawun rundunar 'yan sandan jihar, Ikenga Tochukwu ba.

Amma wani babban jami'i na hukumar ya tabbatar da faruwar lamarin ga jaridar.

Ya bayyana cewa, hadin gwiwar jami'an 'yan sanda da sojoji ne suka gudanar da aikin a yau 2 ga watan Nuwamba da misalin karfe 4:30 na yamma.

Asali: Legit.ng