Yadda Aka Yi Rabon Biredi A Wajen Wani Kasaitaccen Biki Na Gani Na Fada, Bidiyon Ya Ja Hankali

• Wani bidiyo da ya yadu ya nuna yadda mahalarta taron biki suka cika da mamaki bayan an raba masu biredi
• Yayin da kowannensu ke karban rabonsa na bikin, suna ta sake dubawa don ganin ko mafarki suke yi
• Mutane da dama da suka kalli bidiyon sun bayyana cewa rabon ya burge kuma za a ta maganar ma’auratan na shekaru da dama

Wata matashiyar budurwa yar Najeriya ta wallafa bidiyon rabon da aka yi a wani bikin aure.

An shirya manya-manyan biredi a leda sannan aka rabawa kowani mutum da ya halarci taron. Mahalarta taron sun cika da mamaki a lokacin da suka karbi rabonsu suna ta al’ajabin abun da ke faruwa.

Akwai Hoton ma’auratan a jikin biredin da aka raba

Kara karanta wannan

APC ta Fallasa Abinda Ya Kawo Hargitsi A Gangamin PDP na Kaduna

Matashiyar da ta wallafa bidiyon ta rubuta a jikinsa:

“Abu daya game da mahaifina..yana nuna kai a kodayaushe.”

An kawo biredin ne kan farantai yayin da wani mutum ke ta rabawa mutanen wajen. Biredin na dauke da hoton amarya da ango a jikinsa.

Kalli bidiyon a kasa:

A daidai lokacin rubuto wannan rahoton, bidiyon ya tattara masu kallo fiye da miliyan daya da kuma ‘likes’ fiye da 200,000.

Legit.ng ta tattaro wasu daga cikin martanin jama’a a kasa:

Melissa ta ce:

“Zan kwashi Karin wasu a motata yayin da kowa ke cikin rudani.”

anjola ta ce:

“Wannan na iya zama kyautan biki mafi kyau da na gani.”

user9406834767828 ta ce:

“Duba wannan abu ne da mutum zai iya amfani da shi.”

Afi Atchale ta ce:

“Goggonin da kawunnan za su shafe shekaru suna magana kan wannan.”

Kara karanta wannan

Yadda Matar Aure Ta Zama Mai Aikin Goge-goge Don Tura Mijinta Makaranta A Kasar Waje, Bidiyon Ya Yadu

Queenie Pooh ta ce:

“Shin wani zai iya yi mun bayanin amfanin wannan biredin?”

Kyakkyawar Budurwa Mai Shekaru 38 Ta Bazama Neman Miji A Intanet,Ta Fashe Da Kuka A Bidiyo

A wani labarin, wata kyakkyawar budurwa yar Najeriya mai suna Princess Mimi ta haddasa cece-kuce a soshiyal midiya bayan ta koka kan cewa har yanzu bata auru ba duk da yawan shekarunta.

Matashiyar mai shekaru 38 ta wallafa wani bidiyo a TikTok inda ta dungi sharban kuka a cikin wata mota yayin da take fallasa asirin zuciyarta.

Princess ta ce zata cika shekaru 39 a bana, kuma har yanzu bata yi aure ko mallakar da nata na kanta ba kuma bata da wani tsayayye da zai fito neman aurenta.

Asali: Legit.ng