Cikakken Albashi Da Allawus Din Shugaban Najeriya, Mataimakinsa Da Na Gwamnoni Da Mataimakansu Ya Bayyana

Batun albashin zababbun shugabanni a Najeriya lamari ne da ya dade yan Najeriya suna tafka muhawara a kansa.

Yayin da yan Najeriya ke ganin albashin da yan siyasan ke karba ya yi yawa, yan siyasan kuma a bangarensu su kan kare kansu ta hanyar bada dalilan da yasa suke karbar irin wannan albashin.

Daga cikin ayyukan hukumar tattara kudaden shiga da kasafin kudi akwai daidaita albashin da ya kamata masu rike da mukaman siyasa su samu ciki har da shugaban kasa, mataimakinsa, gwamnoni, mataimakansu, ministoci, kwamishinoni, masu bada shawara na musamman, yan majalisa da sauran ma'aikatan gwamnati.

Wata takarda da aka wallafa a shafin intanet na RMAFC ya nuna albashi da allawus din shugaban kasa, mataimakinsa da wasu tun daga Fabrairun 2007 zuwa Yunin 2009.

Albashin shugaban kasa da allawus

Kara karanta wannan

Wata Sabuwar Kungiya Mai Hatsari Ta Ɓullo A Najeriya, Shugaban NSCDC Ya Yi Gargaɗi

A cewar takardar ta RMAFC, albashin shugaban kasa har da allawus na shekara guda shine N14,058,820:00 (N14.0m).

Hakan na nufin duk wata shugaban kasar na samun N1,171,568:20 (N1.17m).

Albashi da allawus din mataimakin shugaban kasa

Mataimakin shugaban kasa na karbar 12,126,290:00 (N12.1m) duk shekara idan aka hada albashinsa da allawus.

A cewar takarda, duk wata mataimakin shugaban kasar na samun 1,010,524:16 (N1.01m).

Albashi da allawus din gwamnoni

Takardar ta RMFAC ta nuna cewa gwamnonin Najeriya na samun N7,782,967:50 (N7.78m) a matsayin albashi da allawus duk shekara.

Abin da suke samu duk wata shine N648,580:62.

Albashi da allawus din mataimakin gwamna

Abin da mataimakin gwamna ya ke samu (albashi da allawus) a shekara shine N7,392,752:50 (N7.39m).

Kudin da kuma suke samu duk wata shine N616,062:69.

Kara karanta wannan

Shugaba Buhari Ya Roki Majalisun Tarayya Su Amince a Kara Kasafin Kudi, Yace Za'a Ciyo Bashi

A Lura: Takardar ta RMFAC na Fabrairun 2007 zuwa Yunin 2009 ne. Don haka, akwai yiwuwar za a iya samun banbanci da albashi da allawus din shugaban kasa, mataimaikinsa, gwamnoni da mataimakansu na yanzu ko kuma ya zama daya.

Jerin Jihohin Najeriya 15 Da Ake Biyan Malaman Makaranta N30,000 A Matsayin Mafi Karancin Albashi

Shekaru uku bayan Shugaba Muhammadu Buhari ya rattaba hannu kan dokar albashi mafi karanci, malaman frimare da sakandare na jihohi 15 da birnin tarayya Abuja kawai suke morar karin albashin da aka yi na N30,000.

Kungiyar malamai ta Najeriya, NUT ce ta bayyana hakan kamar yadda The Nation ta rahoto.

Asali: Legit.ng