Kyawawan hotunan sarauniya Firdaus Bayero yayin da Oluwo na Iwo, angonta ya bata kambu

Kyawawan hotunan sarauniya Firdaus Bayero yayin da Oluwo na Iwo, angonta ya bata kambu

  • Oluwo na Iwo, Oba Abdulrashid Adewale Akanbi ya sake assasa soyayyar da yake wa sabuwar amaryarsa Firdaus zuwa matakin gaba
  • Basaraken ya wallafa hotunansu a shafinsa yayin da ya sanar da nada sabuwar amaryarsa matsayin sarauniyarsa saboda irin kaunar da yake ma ta
  • Sarkin ya kasa boye irin kaunar da yake wa Firdaus Bayero, hakan ya bayyana a hotunan da ya wallafa na santaleliyar sarauniyar a fadarsa

An nada sabuwar amaryar Oluwo na Iwo, Oba Abdulrashid Adewale Akanbi Firdaus, a matsayin sarauniyar fadarsa.

Basaraken ya sanar da hakan ne a shafinsa na Instagram tare da wallafa zankada-zankadan hotunansu tare da nuna kauna ga tsaleliyar gimbiyar da aka haifa a jihar Kano.

Kyawawan hotunan sarauniya Firdaus Bayero yayin da Oluwo na Iwo, angonta ya bata kambu
Kyawawan hotunan sarauniya Firdaus Bayero yayin da Oluwo na Iwo, angonta ya bata kambu. Hoto daga @emperortelu1
Asali: Instagram

Yayin bayyana dalilin nada sarauniyarsa, Oluwo ya ce duk wata sarauniya ra cancanci a bata kambu, kuma yana matukar kaunar tasa sarauniyar.

Ya kara da cewa, ya bi koyarwan magabatansa ne.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

"Madaukakin kakana Oduduwa ne ya koyar da ni kaunar sarauniyata ta hanyar bata kambu, shiyasa na ba wa Olokun, matata," yace.

Jama'a sun yi tsokaci

Tsokacin jama'a:

Alase Lori Orisa "Duk don sarauniya Firdaus, gaskiya wannan 'yar gata ce!!!"
jayeola_monye: "Santaleliyar sarauniya;."
opetodolapo: "Ya Ubangijina!!! Irin wannan kyau haka, tabbas akwai sarauta a jininta. An albarkace ki da Kabiyesi!
iambolsjitlawal: "Wannan irin zankadediyar sarauniya."
olamiaduks: "Da izinin Allah wannan aure ne na har abada"
akintaro_dahood: "Olorinmu, muna alfahari dake."
claragold082: "Zankadediyar Oloti Kabiyesi oooo Barka da sallah."

Hotunan matar basaraken Yarabawa da ta karba Musulunci, ta koma Khadija daga Joyce

A wani labari na daban, sarauniya Joyce Anene Balogun, matar basarake Olubadan na kasar Ibadan, Oba Lekan Moshood Balogun, ta karba kalmar shahada.

Sarauniyar ta karba kalmar shahada ne inda ta koma addinin Musulunci a wani wa'azin watan Ramadan da aka yi a ranar Litinin, 25 ga watan Afirilu a babban filin sallah na Ibadan karkashin shugabancin Honarabul Ibraheem Akintayo.

Babban limamin jihar Oyo, Sheikh Abdul Ganiyy Abubakary Agbotomokekere I, ya tabbatar da hakan a wallafar da yayi a shafinsa na Facebook inda ya kara da cewa sabon sunan sarauniyar shi ne Khadijah Mashood Lekan.

Asali: Legit.ng

Online view pixel