Jerin birane 5 masu matukar kyau da kayatarwa a nahiyar Afrika

Jerin birane 5 masu matukar kyau da kayatarwa a nahiyar Afrika

Afirka ita ce nahiya ta biyu mafi girma a duniya. Tana da yawan mutane biliyan 1.3, an san ta a matsayin nahiya ta biyu mafi yawan jama'a a duniya.

Afirka tana da ƙasashe sama da 50 masu al'adu daban-daban da bambance-bambance. Wadannan kasashe suna da wuraren shakatawa daban-daban da kuma wurare kala-kala na bincike.

Jerin birane 5 masu matukar kyau da kayatarwa a nahiyar Afrika
Jerin birane 5 masu matukar kyau da kayatarwa a nahiyar Afrika. Hoto daga pulse.ng
Asali: UGC

Ga wasu daga cikin mafi kayatarwa da kyau a kasashen nahiyar Afrika:

Cairo, Egypt

Alkahira babban birnin kasar Masar ne. An kuma san shi a matsayin birni mafi girma a Afrika. Alkahira tana da yawan mutane miliyan 21.3 kuma tana gefen kogin Nilu.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Fitattun wurare a birnin Alkahira sun hada da gidan tarihi na Masar, wanda ke da tarin kayan tarihi na Masar, Hasumiyar Alkahira, Kagara na Alkahira, dandalin Tahrir, da sauransu.

Kara karanta wannan

Kwastam Ta Kama Motar Ɗangote Makare Da Buhun Haramtaciyyar Shinkafar Waje 250

Lagos, Nigeria

Legas ita ce cibiyar tattalin arzikin Najeriya kuma birni mafi girma a Najeriya, mai yawan jama'a kusan miliyan 25.3.

A hankali Legas na zama babban wurin yawon bude a birane na duniya. An san shi da wuraren shakatawa na gabar teku, gidajen abinci, da rayuwar dare.

Fitattun wurare a Legas sun hada da Tarkwa Bay, Nike Art Gallery, Freedom Park, da kuma shahararriyar cibiyar Lekki Conservation, wacce ke da hanyar tafiya mafi tsayi a Afirka.

Windhoek, Namibia

Windhoek babban birnin Namibiya ne. Tana aiki a matsayin cibiyar zamantakewa da tattalin arzikin kasar. Yana dauke da National Art Gallery, National Museum da National Theatre. Tana da gine-gine na zamani kuma ana ɗaukarta ɗaya daga cikin biranen Afirka mafi aminci.

Abubuwan jan hankali na yawon bude ido a Windhoek sun hada da Alte Feste Museum, Independence Museum, Avis Dam Nature Reserve, da Daan Viljoen Game Reserve.

Kigali, Rwanda

Kara karanta wannan

Abba Kyari shekaru 47 a duniya: Abubuwa 5 da baku sani ba game rayuwar Kyari

Kigali babban birnin kasar Rwanda ne. Ita ce cibiyar tattalin arziki da kasuwanci ta Ruwanda. An san shi don manyan gidajen abinci da rayuwar dare.

Wuraren yawon buɗe ido a Ruwanda sun haɗa da Kasuwar Kimironko, Tunawa da Kisan Kigali, Kigali Centenary Park, da Gidan Tarihi na Ruwanda.

Johannesburg, South Africa

Ana ɗaukar Johannesburg a matsayin babban cibiyar kuɗin Afirka ta Kudu. Tana da yawan jama'a kusan miliyan 5.6 kuma tana ɗaya daga cikin manyan biranen duniya.

Wasu wuraren shakatawa a Johannesburg sun hada da Gidan Tarihi na Apartheid, Cradle of Humankind, Gold Reef City Theme Park, da gidan Mandela.

Asali: Legit.ng

Online view pixel