Da duminsa: Yan bindiga sun yi awon gaba da dimbin matafiya a hanyar Kaduna/Abuja
1 - tsawon mintuna
Tsagerun yan bindiga masu garkuwa da mutane sun yi awon gaba da dimbin matafiya daga cikin motocinsu a babbar hanyar Kaduna zuwa Abuja da yammaci Lahadi, 21 ga Nuwamba, 2021.
Har yanzu ba'a san adadin wadanda aka sace ba.
Wani faifan bidiyo da aka saki a kafafen ra'ayi da sada zumunta ya nuna motoci akalla biyu da aka kwashe wadanda ke ciki tsakiyar titi.
A bidiyon na sakwanni 31, an ji mai daukan bidiyon yana cewa:
"Wayyo Allah, sun kwashe abokanmu, yanzu muke zuwa daga Kaduna. Yau 21 ga Nuwamba 2021."
Asali: Facebook
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
A riwayar Daily Nigerian, yan bindigan sun budewa matafiyan wuta ne misalin karfe 4 na yamma.
Majiyar ta ce wanda suka yi kokarin guduwa an harbesu yayinda wadanda suka tsaya aka shiga da su cikin daji.
Asali: Legit.ng
