Jerin Manyan Mata 10 Mafi Arziki a Duniya da Adadin Kudin da Suka Mallaka

A wannan shekarar ta 2024, akalla 369 cikin 2,781 mafi arziki a duniya mata ne, kenan suna da kaso 13.3% na jerin, kuma yawansu ya karu ne daga 337 da aka samu a 2023.

Tattalin arzikin mata ya fara samun gurbin zama a mujallar Forbes, wacce ke fitar da jaddawalin mutane mafi arziki a duniya.

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Mace mafi arziki a duniya da ke rike da kambun a shekaru hudu a jere, a cewar Forbes, ita ce Françoise Bettencourt Meyers, an ce ta samu ribar da ta haura dala biliyan 19 a 2024.

Jerin mata 10 mafi arziki a duniya

Mata tara daga cikin 10 mafi arziki a duniya sun gaji dukiyarsu daga ubanninsu, mazaje ko kuma uwa (a mafi karancin lokuta).

Kara karanta wannan

Shekara 1 a mulki: Jerin ayyukan da Bola Tinubu zai kaddamar a watan Mayu

Mujallar Forbes ta bayyana cewa ta tattara bayanan dukiyar matan ne ya zuwa ranar 8 ga watan Maris, 2024.

10. Abigail Johnson

Abigail Johnson, wacce 'yar kasar Amurka ce ta mallaki dukiyar da ta kai $29bn, kuma tana da shekaru 62 a duniya.

An ruwaito cewa ta samu arzikinta daga hannun jarin kamfanin Fidelity Investment, kuma ita ce ta 10 a jerin mata mafi arziki a duniya.

9. Gina Rinehart

Gina Rinehart ta mallaki dukiyar da ta kai darajar $20.8bn a yayin da take da shekaru 70, kuma 'yar kasar Austaraliya ce.

An ruwaito cewa ta mallaki dukiyar ta ne daga hakar ma'adanai da noma. Ita ce mace ta 9 a jerin mata mafi arziki a duniya.

8. Miriam Adelson da zuriyarta

Miriam Adelson da zuriyarta sun mallaki dukiyar da ta kai darajar $32bn, tana da shekaru 78 a yanzu, kuma 'yar kasar Amurka ce.

An ruwaito cewa Adelson da zuriyarta ne mamallakan babban gidan caca na Las Vegas Sands, kuma ita ce ta 8 a jerin mata mafi arziki a duniya.

Kara karanta wannan

Jerin sabbin gwamnonin Arewa 7 da suka karbi bashin biliyoyi cikin watanni 6 kacal

7. Rafaela Aponte-Diamant

Ita kuwa Rafaela Aponte-Diamant, ta kasance 'yar kasar Switzerland da Italiya, kuma arzikinta ya kai $33.1bn yayin da take da shekaru 79.

Aponte-Diamant da mijinta Gianluigi Aponte sun kafa wani kamfanin safarar kaya ta hanyar ruwa a 1970, kuma ita ce ta bakwai a jerin mata mafi arziki a duniya.

6. Savitri Jindal da zuriyarta

Savitri Jindal da zuriyarta sun mallaki dukiyar da ta kai $33.5bn, a yanzu da take da shekaru 74 a duniya, tana rayuwa ne a kasar Indiya.

An ce Jindal ce mace mafi arziki a Indiya, kuma ta shida a mata mafi arziki a duniya, tana da kamfanin tama da karafa wanda ya shahara a duniya.

5. Mackenzie Scott

A 2019 ne Mackenzie Scott ta datse aurenta da mijinta Jeff Bezos, inda ta samu kudin saki na kaso 4% na kadarar kamfanin Amazon.

A yanzu darajar dukiyarta ta kai $35.6bn a yayin da take da shekaru 53, kuma tana zaune a kasar Amurka a matsayin mace ta biyar a jerin mafi arziki a duniya.

Kara karanta wannan

Karfin hali: Uba da dansa sun yi taron dangi, sun yiwa matar makwabcinsu duban mutuwa a Ogun

4. Jacqueline Mars

Magajiyar kamfanin The Mars Inc. ta kasance mace ta hudu a jerin mata mafi arziki a duniya. A yanzu tana da shekaru 84 a duniya.

An ruwaito cewa Mars ta mallaki dukiyar da ta kai $38.5bn daga wannan kamfani, kuma tana zama a kasar Amurka tare da kannenta.

3. Julia Koch da zuriyarta

Julia Koch ta mallaki dukiyar da ta kai $64.3bn a shekaru 61, ita da 'yayanta uku na da kaso 42% na hannun jarin kamfanin Koch wanda ke harkar mai da kayan kiwon lafiya.

Koch ta kasance 'yar kasar Amurka, kuma ta zama ta uku a mata mafi arziki a duniya, bayan ƙaruwar arzikinta a 2024.

2. Alice Walton

Ita kuwa Alice Walton, mai shekaru 74 a duniya, ta kasance 'yar kasar Amurka, kuma mace ta biyu a mata mafi arziki a duniya a shekarar 2024.

An ruwaito cewa arzikinta ya karu da $15.6bn a wannan shekarar, inda a yanzu ta mallaki $72.3bn. Ta samu dukiyarta daga hannun jarin kamfanin Walmart, da ta gada daga mahaifinta.

Kara karanta wannan

Muhimman abubuwa 10 da ya kamata ku sani game da Shugaba Tinubu yayin da ya cika shekara 72

1. Françoise Bettencourt Meyers

A lamba ta 1 a jerin mata mafi arziki a duniya ita ce Françoise Bettencourt Meyers, ta kasance tana da shekara 70 a duniya, kuma 'yar kasar Faransa ce.

Dukiyarta ta kai $99.5bn a shekarar 2024, kuma ita ce magajiyar kamfanin L’Oréal wanda ya shahara a samar da kayan kwalliya. Tana rike da kambun mace ta daya mafi arziki na tsawon shekaru hudu.

Jeff Bezos ya fi kowa arziki a duniya

Tun da fari, Legit Hausa ta ruwaito cewa Jeff Bezos, shugaban kamfanin Amazon, shi ne ya zama mafi arziki a fadin duniya.

An ruwaito cewa arzikin Bezon ya karu sosai tun bayan saukarsa daga mafi arzikin duniya a 2021.

Asali: Legit.ng