"Ku Nemo Min Ita": Bidiyon Wata Daliba Tana Sallah a Kan Hanya Ya Dauki Hankulan Jama'a

• An bayyana mabanbantan ra’ayoyi biyo bayan faifan bidiyon wata ɗaliba sanye da kayan makaranta tana sallah a kan hanya
• Ta yi amfani da jakar makarantarta kamar tabarma yayin da take bin sallar da ake jiyo sautinta a cikin lasifika daga wani masallaci
• Mutane da yawa a yanar gizo sun ji daɗin yadda yarinyar ta nuna riƙo da addini tare da yaba mata kan hakan

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

A cikin wani faifan bidiyo da ke ci gaba da jan hankali, an nuna wata ɗaliba musulma tana sallah sanye da kayan makaranta a kan hanya.

Ba a bayyana ko tana kan hanyar zuwa ne ko dawowa daga makaranta ba, amma riƙo da addininta ya narkar da zukatan yawancin masu amfani da yanar gizo.

Kara karanta wannan

Innalillahi: Ƴan bindiga sun kai hari sanye da kakin sojoji, sun tafka mummunar ɓarna a jihar arewa

A cikin faifan bidiyon, ɗalibar ta yi amfani da jakar makaranta kamar tabarma, inda take bin sallar da ta ke jiyo sautinta daga lasifikar wani masallaci.

@sarhmymoore ne ya sanya faifan bidiyon a kan TikTok kuma mutane da dama sun kalli bidiyon.

Mutane sun bayyana ra'ayoyinsu game da bidiyon

Eri imole promise page ya rubuta:

"Allah zai karɓi addu'ar ki, ni ba musulmi ba ne."

nafiudanladi480 ya rubuta:

"Allah ya karɓi addu'oin mu, ƴan uwana don Allah kar ku ga laifinta."

konibaje3 ya rubuta:

"Na rantse sai da na zubar da hawaye daga idona. Me yasa ba za ka yarda da Allah ba? Allah ya sanya mata albarka."

Wanjiru wa passion ya rubuta:

"Wayyo gaskiya na so hakan sosai, ina ma zan iya zama Musulmi, wannan imaninta ya kai, ni ba Musulmi ba ne amma Allahu Akbar."

Kara karanta wannan

Tashin hankali yayin da wata mata ta jefa jaririnta cikin kogi, yan sanda sun dauki mataki

Haykay_Global ya rubuta:

"Don Allah a taimaka min na gano wannan yarinyar, zan ba ta N50,000."

Ɗalibai Sun Ziyarci Tsohon Malaminsu

A wani labarin kuma, kun ji cewa wasu tsofaffin ɗalibai sun kai ziyara ga tsohon malaminsu a ranar da yake murnar zagayowar ranar haihuwarsa.

Ɗaliban sun yi wa tsohon malamin ma su sha tara ta arziƙi domin nuna godiyarsu kan yadda ya yi ɗawainiya da su a baya.

Asali: Legit.ng