Wani Matashi Ya Sanya Hoton Hirarsu Da Tsohuwar Budurwarsa a WhatsApp Bayan Ya Siyo Sabuwar Mota

• Wani matashi ɗan Najeriya ya sanya hoton hirar da ya yi da tsohuwar budurwarsa bayan ya siyo sabuwar mota
• Budurwar ta tura masa saƙo tana son su sasanta tsakaninsu inda ta nuna dana saninta akan yadda ta rabu da shi
• Cikakkiyar hirar da matashin da tsohuwar budurwarsa suka yi a WhatsApp ta sanya mutane da dama tofa albarkacin bakinsu

Wani matashi ɗan Najeriya mai suna Davies, ya janyo cece-kuce a soshiyal midiya bayan ya sanya hirar da ya yi da tsohuwar budurwarsa, Oyinlola a WhatsApp, wacce ta tura masa saƙo bayan ya siyo sabuwar mota.

Daga hirar ta su wacce Davies ya sanya a X (wacce a baya aka sani da Twitter), Oyinlola ta yi masa magana ne bayan ta ga hoton sabuwar motar da ya siyo.

Kara karanta wannan

“Na Gaji Da Su”: Wani Dan Shekaru 55 Ya Saki Matansa 3 a Rana Daya, Ya Fallasa Zunubansu a Bidiyo

Da farko sai da ta fara tabbatar cewa ba da wasa ya ke ba dangane da siyan motar, sannan ta wuce kai tsaye domin ganin sasanta saɓanin da suka samu.

Davies bai yarda ta yaudare shi ba inda ya tuna mata da cewa ta rabu da shi ne domin ta samu kwanciyar hankali sannan ya ke mamakin mai kuma ta dawo yi yanzu bayan ita ce ta raba dangantakar da ke tsakaninsu.

Oyinlola ta ce rabuwa da shi kuskure ne

Oyinlola ta bayyana cewa ta yi kuskure rabuwa da shi inda ta gaya masa cewa sabuwar soyayyar da ta yi bayan rabuwarsu ko wata ɗaya ba ta yi ba suka rabu.

Sai dai, matashin ya gaya mata cewa za ta iya zuwa ta taya shi murnar motar da ya siya, sannan sai dai su cigaba da zama abokai ba masoya ba.

Kara karanta wannan

Wata Dattijuwa Ta Ga Abin Da Ba Ta Taba Zato Ba Bayan Ta Je Wajen Iyayen Saurayinta Mai Shekara 22

Ƴan soshiyal midiya sun yi martani kan hirarsu

Cikakkiyar hirarsu ta sanya mutane da dama yin tsokaci a kai.

@TreyutdzVibe ya rubuta:

"Omo na ji daɗin yadda ya fito fili ya gaya mata gaskiya. Za mu iya sararawa amma babu wani batun soyayya. Kuma ta yarda."

@cryptofreshb ya rubuta:

"An gano mai son abun duniya.. ka da ka taɓa yarda ta dawo gare ka.. ka bari ta cigaba da dana sani har ƙarshen rayuwarta. Ka bari ta riƙa ganin wata a cikin motar."

@favouritecapguy ya rubuta:

"Ƴan matan Najeriya babu abin da ba za su iya yi ba, idan kuma motar ba taka bace ba, haka kawai saboda ta ga mota tana son dawo maka."

Wata Mata Ta Jefa Jaririnta Cikin Kogi

A wani labarin na daban kuma, wata mata ta yi yunƙurin salwantar da ran jaririnta wanda bai daɗe da zuwa duniya ba.

Matar dai ta jefa jaririn ne cikin kogi a jihar Legas, amma cikin ikon Allah an samu wani bawan Allah ya ceto shi.

Asali: Legit.ng