Kasafin Kudi: Za'a kashe N35m wajen kwashe Masai a Aso Villa, a 2022

Kasafin Kudi: Za'a kashe N35m wajen kwashe Masai a Aso Villa, a 2022

  • Shugaba Buhari ya gabatar da kasafin kudin 2022 gaban majalisar dokokin tarayya
  • Shugaban kasan ya yiwa Kasafin Kudin taken 'Kasafin kudin cigaba da girman tattalin arziki
  • Buhari ya bayyana cewa Ministar Kudi za tayi bayanin kasafin kudin ga yan Najeriya
  • Za a kashe kimanin milyan takwas wajen yaki da rashawa a Aso Villa

Abuja - Duk da kudaden da aka kebancewa hukumar EFCC da ICPC, fadar shugaban kasan ta shirya kashe N7.34 million wajen yaki da rashawa a 2022.

Wannan na kunshe cikin daftarin kasafin kudin da Shugaban kasa Muhammadu Buhari ya gabatar gaban majalisar dokokin tarayya ranar Alhamis, 7 ga Oktoba, 2021.

A lamba ta 22021017, za'a bukaci N7,341,583 donyaki da rashawa a fadar shugaban kasa kadai/

Read also

Kasafin kudin 2022: N31m kudin man Janareton Aso Rock, N22.07m na Gas din girki, N33m na littafai

Hakazalika, shugaba Buhari ya bukaci N35.41 million don yashe shaddar fadar shugaban kasa.

Kudin kwashe masai mai lamba 22020206 ya kasance abinda ake bukata koda yaushe don kwashe masai a fadar shugaban kasa.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Bugu da kari, an kebance N55.05million don gyare-gyaren gidajen da ke fadar shugaban kasa.

Kuma an ware N5.17bn don gyare-gyaren ofishohi.

Kasafin Kudi: Za'a kashe N35m wajen kwashe shadda a Aso Villa, a 2022
Kasafin Kudi: Za'a kashe N35m wajen kwashe shadda a Aso Villa, a 2022 Hoto: Aso Rock
Source: UGC

Buhari da Osinbajo zasu kashe N3.2bn wajen tafiya-tafiye a 2022

Shugaba Muhammadu Buhari da mataimakinsa, Yemi Osinbajo, zasu kashe N3.2 billion wajen tafiye-tafiye kadai a shekarar 2022 da muke dunfara.

A bayanan kudaden, shugaban kasan zai kashe N2.3billion wajen tafiye-tafiye da sufuri na ofishinsa yayinda shi kuma mataimakinsa aka shirya masa N778.2 million.

Hakazalika fadar shugaban kasar aka kebe mata N162.25 million don sufuri.

A shekarun baya, rahotanni sun nuna cewa shugaba Buhari da mataimakinsa sun kashe N1.5 billion a 2019 don tafiye-tafiye da abinci; N1.52 billion a 2018; N1.45 billion a 2017 ; sannan N1.43 billion da 2016.

Source: Legit Newspaper

Online view pixel