Kasafin kudin 2022: Buhari da Osinbajo zasu kashe N3.2bn wajen tafiya-tafiye a 2022
- Tun bayan hawan mulki, Shugaba Buhari yayi tafiye-tafiye zuwa kasashen duniya daban-daban
- Yayinda wasu tafiye-tafiye na aiki ne, wasu kuwa na zuwa jinyan kansa ne
- A lissafin da akayi, Shugaba Muhammadu Buhari ya fita daga Najeriya akalla sau 51 daga 2015 kawo yanzu
Abuja - Shugaba Muhammadu Buhari da mataimakinsa, Yemi Osinbajo, zasu kashe N3.2 billion wajen tafiye-tafiye kadai a shekarar 2022 da muke dunfara.
Wannan na kunshe cikin kasafin kudin 2022 da Buhari ya gabatar gaban yan majalisa ranar 8 ga Okotba 2021 domin su duba kuma su amince da shi.
A bayanan kudaden, shugaban kasan zai kashe N2.3billion wajen tafiye-tafiye da sufuri na ofishinsa yayinda shi kuma mataimakinsa aka shirya masa N778.2 million.
Hakazalika fadar shugaban kasar aka kebe mata N162.25 million don sufuri.
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
Asali: Facebook
Bayani dalla-dalla
Ofishin Buhari
1. Tafiye-tafiyen cikin Najeriya - N775.6 million
2. Tafiye-tafiye zuwa kasar waje - N1.53 billion
Ofishin Osinbajo
1. Tafiye-tafiyen cikin Najeriya - N301.9 million
2. Tafiye-tafiye zuwa kasar waje - N476.2 million
A shekarun baya, rahotanni sun nuna cewa shugaba Buhari da mataimakinsa sun kashe N1.5 billion a 2019 don tafiye-tafiye da abinci; N1.52 billion a 2018; N1.45 billion a 2017 ; sannan N1.43 billion da 2016.
Asali: Legit.ng
