COVID-19: Shugaba Buhari ya killace kansa, fadar shugaban kasa ta bayyana dalili
- Bayan shafe sati daya a New York, Shugaban kasa Muhammadu Buhari ya dawo Najeriya tare da mukarrabansa
- Mai bai wa shugaban kasa shawara kan harkokin yada labarai, Femi Adesina ya bayyana dalilin da ya sa Buhari da mukarrabansa suka fara killace kansu bayan tafiyar
- Keɓewar kwanaki 5 da Shugaban kasar ya shiga ya yi daidai da ƙa'idodin Cibiyar Kula da Cututtuka ta Najeriya (NCDC)
FCT, Abuja - Shugaban kasa Muhammadu Buhari ya fara killace kansa bayan dawowarsa daga taron babban zauren Majalisar Dinkin Duniya na 76 daidai da ka’idojin tafiye-tafiye na COVID-19.
Mai ba shugaban kasa shawara na musamman kan harkokin yada labarai, Femi Adesina ya tabbatar wa PM News ci gaban a ranar Laraba, 29 ga watan Satumba.
Asali: Facebook
A cewar Adesina, shugaban kasar da hadiman da suka yi masa rakiya zuwa Amurka sun shiga killace kansu tun bayan dawowar su a ranar Lahadi, 26 ga Satumba.
An bayyana hakan ne bayan rashin bayyanar Buhari a taron majalisar zartarwa ta tarayya wanda mataimakin shugaban kasa Yemi Osinbajo ya jagoranta.
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
Mai magana da yawun shugaban kasar ya ci gaba da cewa Buhari zai gama killace kansa a ranar Alhamis, 30 ga watan Satumba.
Hotunan dawowar Buhari daga US, ya taho da ayyuka na musamman daga UN
A baya mun kawo cewa Shugaban kasa Muhammadu Buhari ya dawo Abuja bayan kwashe mako daya ya na ayyuka a taro karo na 76 na majalisar dinkin duniya a birnin New York da ke Amurka.
Newswire ta ruwaito cewa, shugaban Najeriyan ya dawo da bukata na musamman daga sakataren majalisar dinkin duniya, Antonio Guterres, wurin tabbatar da daidaituwar siyasar kasashen yammacin Afrika.
Guterres, wanda ya yabi Buhari kan yadda ya ke shugabanci a Afrika tare da kawo daidaito a yankin, ya zanta tare da shugaban kasar Najeriyan a taron UNGA kashi na 76, Newswire ta ruwaito.
Asali: Legit.ng
