DCP Abba Kyari: PDP ta ce bata son kumbuya-kumbuya, a bayyana komai
- Jam’iyyar adawa ta PDP ta bukaci Najeriya ta zurfafa bincike akan rahoton da FBI ta Amurka ta bayar akan alakar DCP Abba Kyari da Hushpuppi
- Dama FBI ta bukaci a gabatar mata da Abba Kyari bisa zarginsa da hada guiwa da Hushpuppi wurin yin damfarar miliyoyin daloli
- Sanin kowa ne cewa Abbas Ramon wanda aka fi sani da Hushpuppi rikakken dan damfarar yanar gizo ne, don haka akwai alamar tambaya akan lamarin
FCT, Abuja - Jam’iyyar adawa ta PDP ta bukaci a zurfafa bincike akan DCP Abba Kyari bisa rahoton da FBI ta Amurka ta bayar akan hadin guiwarsa da rikakken dan damfarar yanar gizon nan, Abbas Ramon wanda aka fi sani da Hushpuppi.
Kamar yadda Daily Trust ta ruwaito, dama wata kotun Amurka dake California ta bukaci FBI ta bi sawun Kyari kuma ta gabatar dashi a Amurka bisa zarginsa da hada guiwa wurin yin damfarar miliyoyin daloli tare da Hushpuppi.
KU KARANTA: Buhari ya sha alwashin kara kasafin ilimi da kashi 50% a cikin shekaru 2
Asali: UGC
Abun kunya da na Allah wadai ne
A wata takarda da kakakin jam’iyyar PDP, Kola Ologbondiyan ya saki, ya bayyana yadda ake zargin Kyari da hannu dumu-dumu a damfarar a kasar ketare a matsayin babban abin kunya kuma abin Allah wadai da zubar da mutuncin Najeriya, Daily Trust ta ruwaito.
Cikakkiyar takardar da PDP ta fitar
Hakika wannan zubar da kimar kasarmu ne kasancewar babban mutum mai rike da kujera mai daraja a mulkin shugaban kasa Muhammadu Buhari ya bige da damfara a kasar ketare.
Jam’iyyarmu tana bukatar kada a boye wannan al’amarin kuma a yi bincike mai zurfi akan Kyari da wasu manyan masu shugabanci a karkashin jam’iyyar APC.
Muna rokon shugaba Buhari akan kada ya sassauta yayi gaggawar dawo da mutunci da darajar kasar nan kuma ya bari a yi bincike mai zurfi akan wanda ake zargin.
Sannan matukar ba a kawo garambawul akan wannan matsalar ta Abba Kyari ba, bacin sunane ga ‘yan sandanmu, harkokin tsaronmu da kasarmu baki daya.
Don haka PDP tana bukatar Buhari da ya mika Abba kyari hannun IGP don a yi bincike a kansa kuma matsawar aka tabbatar da zargin da ake masa gaskiyane to a yi gaggawar mika shi ga FBI, kamar yadda takardar tazo.
KU KARANTA: Nasara daga Allah: Danmaraki, Sama'ilo da wasu shugabannin 'yan bindiga sama da 20 na neman rangwame
'Yan bindiga sun sako Sarkin Jaba
Miyagun 'yan bindiga sun sako babban basaraken jihar Kaduna, Danladi Gyet Maude, wanda aka sace a jihar Nasarawa a ranar Litinin da ta gabata, Daily Trust ta ruwaito.
Legit.ng ta ruwaito muku yadda aka sace basaraken a ranar Litinin yayin da yaje duba gonarsa dake Panda a jihar Nasarawa.
Amma wata majiya daga fadar ta sanar da Daily Trust cewa an sako basaraken a ranar Laraba wurin karfe tara da rabi na dare.
Asali: Legit.ng
