Da Ɗuminsa: Gwamnonin Kudu Maso Yamma Ne Suka Ɓoye Sunday Igboho, Miyetti Allah
- Miyetti Allah ta yi ikirarin cewa gwamnoni shida na yankin kudu maso yamma ke bawa Sunday Igboho kariya
- Mai magana da yawun kungiyar, Saleh Alhassan, ne ya sanar da hakan a ranar Litinin ya kuma bukaci gwamnonin su fito da dan gwagwarmayar da ake nema ruwa a jallo
- Idan za a iya tunawa, a ranar Alhamis 1 ga watan Yuli ne hukumar yan sandan farin kaya DSS ta ayyana nemansa ruwa a jallo bayan samame da ta kai a gidansa da ke Ibadan
An zargi gwamnoni kudu maso yamma da boye dan gwagwarmaya Sunday Igboho a yayin da hukumar yan sandan farin kaya ta DSS ke namansa ruwa a jallo.
Miyetti Allah Kautal H*re, daya daga cikin kungiyoyin makiyaya a Nigeria ne ta yi wannan zargin yayin wani tattaunawa da ta yi da The Punch a ranar Litinin 12 ga watan Yuli.
Asali: UGC
DUBA WANNAN: Da Ɗuminsa: Ƴan Bindiga Sun Turo Mana Bidiyon Yadda Suka Aurar Da Ƴaƴanmu Mata, Iyayen Ɗaliban Kebbi
Saleh Alhassan, mai magana da yawun kungiyar ya yi zargin cewa gwamnoni shida na jihohin kudu maso yamma ne suke boye Igboho.
A cewar Alhassan, ana amfani da Igboho ne da kuma gwagwarmayar siyasan da ya ke yi. Ya kara da cewa duk da gwamnonin sun boye shi, jami'an tsaro za su kamo shi.
Ya kara da cewa iyayen gidan Igboho wato gwamnonin kudu maso yamma su fito da shi.
Amma, Donald Ojogo, hadimin gwamna Rotimi Akeredolu kuma shugaban kungiyar gwamnonin jihohin kudu maso yamma, a martaninsa, ya ce ba mutuncin gwamnonin bane ma su yi martani kan wannan zargin.
KU KARANTA: Kotu za ta bada umurni a kamo mata tsohuwar Ministan Nigeria da ake zargi da handame dukiyar al'umma
Ba a san inda dan gwagwarmayar na Yarbawa ya shiga ba tun bayan samamen da jami'an DSS suka kai gidansa a farkon wannan watan.
'Yan Sanda da Jami’an DSS Sun Yi Wa Cocin Dunamis Ƙawanya a Abuja
A wani labarin daban, kun ji cewa ana zaman dar-dar a cocin Dunamis da ke Lugbe Abuja bayan yan sanda da wasu jami'an tsaro masu farin kaya sun zagaye yankin da cocin ya ke saboda tsoron yiwuwar kutsen mambobin #Revolutionnow da ke zanga-zangar kama wasu mambobinsu da DSS suka yi, The Guardian ta ruwaito.
A yayin da The Guardian ta ziyarci cocin a safiyar ranar Lahadi, ta gano yan sanda da dama a yankin, yayin da motoccin sintiri kimanin guda hudu sun tsaya a wasu muhimman wurare a unguwar.
Mai rajjin kare hakkin bil-adama da goyon bayan demokradiyya, Omoyele Sowore, ya yi barazanar sake yin wata gagaruman zanga-zanga idan ba a sako mutane biyar da aka kama sanye da riga mai rubutun 'Buhari Must Go' ba a ranar Lahadi da ta gabata a cocin.
Asali: Legit.ng
