Satar Kagara: Gwamnan Neja ya gana da Buhari, ya yi karin haske a kan ceto su

- Gwamnan jihar Neja, Abubakar Bello, ya ziyarci Shugaba Buhari don yi masa bayani game da sace mutanen da aka yi a Kagara

- Yan bindiga a ranar Laraba, 17 ga watan Fabrairu sun sace dalibai 27 da wasu a wata makaranta a Kagara, jihar Neja

- Daga cikin abubuwan, Gwamna Bello ya ce ya nemi a tura karin jami’an tsaro don ceton wadanda aka yi garkuwa da su

Shugaban kasa Muhammadu Buhari, a yammacin ranar Laraba, 17 ga watan Fabrairu, ya gana da gwamnan jihar Neja, Abubakar Bello, a fadar Shugaban kasa kan sace ‘yan makarantar sakandaren gwamnati da ke Kagara.

‘Yan fashin sun sace dalibai 27, ma’aikata uku da wasu‘ yan uwa a makarantar a safiyar ranar Laraba.

Bayan ganawar, Gwamna Bello ya shaida wa manema labarai cewa ya yi magana da shugaban kasa kan tura karin jami’an tsaro zuwa jihar, da kuma aiki don tabbatar da dawwamammen maslaha a kan rashin tsaro, jaridar The Cable ta ruwaito.

KU KARANTA KUMA: Kar ku zama sakarkaru, ku bai wa kanku kariya daga 'yan bindiga, Minista ga 'yan Najeriya

Ya ce ya gamsu da abin da Shugaba Buhari ya gaya masa, inda ya kara da cewa ya ga kasancewar sojoji a Kagara.

Gwamnan ya nuna kwarin gwiwa cewa za a amsa masa bukatar sa na karin jami’ai da kayan aiki ba tare da bata lokaci.

Ya ce babban abin da ya kamata a sa a gaba shi ne sakin wadanda aka sace, amma kuma yana da muhimmanci a samu mafita mai dorewa ga rikicin manoma da makiyaya.

Gwamna Bello ya kara da cewa zai ci gaba da tattaunawa da shugabannin hafsoshin tsaro da kuma gwamnatin tarayya domin a yi masu jagora tare da ba su shawara kan matakan da za su dauka.

Gwamnan na Neja ya kuma ce yana goyon bayan matsayin Majalisar Dattawa na cewa Shugaba Buhari ya kafa dokar ta-baci kan matsalar rashin tsaro a kasar.

KU KARANTA KUMA: 'Yan Najeriya su na maidawa Ministan Buhari martani na cewa a tsaya a rika fada da 'Yan bindiga

Kalamansa:

“A yanzu haka, idan kuka kalli abin da ke faruwa, muna fuskantar matsalolin tsaro a kusan dukkan sassan kasar nan. Don haka, tabbass, akwai buƙatar shigar da wani nau'i na gaggawa a kan al'amuran tsaro a duk faɗin hukumomi. Don haka eh, ina ganin majalisar dattijai ta yi aiki da aminci. Tabbas akwai wani abu da yakamata ayi."

A gefe guda, Bima Enagi, sanata mai wakiltar Neja ta kudu, ya ce gwamnatin Shugaba Muhammadu Buhari ta nuna gazawa wajen magance matsalar rashin tsaro.

Enagi ya fadi hakan ne a zauren majalisar dattijai a ranar Laraba yayin da yake bayar da gudummawarsa ga wata muhawarar kan kudirin da Mohammed Sani Musa, sanata mai wakiltar gabashin Niger ya gabatar.

Musa ya ja hankalin takwarorinsa a kan sace wasu daliban makarantar sakandare da ke Kagara, dayan bindiga suka yi a jihar Neja.

Aisha Musa 'yar jarida ce wacce ta kwashe shekaru biyar tana aikin gogewa a harkar yada labarai.

Ta kammala karatun ta a Jami'ar Ibrahim Badamasi Babangida (IBB Lapai) a shekarar 2014 tare da digirin farko a fannin Tarihi.

Aisha Editan Hausa ce wacce ke amfani da kwarewa da kwazonta don karfafawa wasu gwiwar yin aiki tukuru don cimma nasara.

Don samun karin bayani a kan ta, ziyarci shafinta na Twitter @ AishaMu11512411

Asali: Legit.ng