Sojoji sun kashe 'yan bindiga 35 a Zamfara da Katsina

Sojoji sun kashe 'yan bindiga 35 a Zamfara da Katsina

- Sojojin Najeriya sun samu nasarar kashe 'yan fashi da makami 35 a jihohin Zamfara da Katsina

- Sojojin sun bayyana cewa sun kwato shanu da kuma raguna da basu tantance adadinsu ba

- Hedkwatar sojoji ta bayyana irin nasarar da suke samu a cikin kwanakin nan na yaki da 'yan ta'addan

Sojojin Operation Hadarin Daji sun fatattaki wasu 'yan fashi 35 tare da kame wasu abokan aikinsu a fafatawa daban-daban a Zamfara da Jihar Katsina, inji hedkwatar tsaro, The Nation ta ruwaito.

Mai Gudanarwa, Ayyukan Watsa Labarai na Tsaro, Maj.-Gen. John Enenche, ya bayyana hakan ne a cikin wata sanarwa a ranar Litinin.

KU KARANTA: Wasu masu bincike a UNILORIN sun ba da shawarar amfani da abarba don magance COVID-19

Sojoji sun kashe 'yan bindiga 35 a Zamfara da Katsina

Sojoji sun kashe 'yan bindiga 35 a Zamfara da Katsina Hoto: Daily Post Nigeria
Source: UGC

Enenche ya kuma taimakawa sojojin “Forward Operating Base Kekuwuje” a ranar Lahadin da ta gabata, inda suka yi arangama da ‘yan ta’addan bayan bin diddigin bayanan sirri kan tafiyarsu da dabbobin da suka sata a karamar hukumar Bungudu ta Zamfara.

“A yayin artabun an kashe 'yan fashi da makami 30 yayin da aka kwato shanu 24 da raguna da ba a tantance adadinsu ba.

“Hakazalika, har ila yau a ranar 17 ga Janairu 2021, sojojin da aka tura Maradun sun sami labarin harin ramuwar gayya daga’ yan fashi da makami a kauyen Janbako da ke karamar Hukumar Maradun ta Jihar Zamfara.

“Sojoji sun hanzarta tattara kansu zuwa yankin don dakile harin ramuwar gayyar. An yi wa sojojin kwanton-bauna kusa da kauyen Janbako inda aka yi musayar wuta. Dakarun sun yi nasarar fatattakar 'yan fashin kuma sun kashe biyar daga cikinsu.

"A yanzu haka sojoji suna bin 'yan fashi da ke gudu," in ji shi.

KU KARANTA: Ana zargin Wani Bawan Allah da Kashe Matarsa A Kasar Italia

A wani labarin daban, Rundunar ‘yan sanda a Zamfara ta cafke mutum hudu da ake zargi da kisan wani Bafulatani makiyayi, Vanguard News ta ruwaito.

A wani taron manema labarai a Gusau a ranar Lahadi, Kwamishinan 'yan sanda, Abutu Yaro, ya ce rundunar ta kuma kwato shanu 200 da suka salwanta sakamakon jajircewa wajen yaki da aikata laifuka.

Ya kara da cewa an kwato wasu makamai, kuma rundunar ta samu nasarar sakin akalla mutane takwas da aka sace makonni uku da suka gabata.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Legit

Online view pixel