Na yanke kauna da gwamnatin Buhari, In ji kakakin kungiyar Arewa

Na yanke kauna da gwamnatin Buhari, In ji kakakin kungiyar Arewa

- Wani mamba a kungiyar dattawan Arewa ta ACF ya yanke kauna kan shirin gwamnatin tarayya na magance matsalar rashin tsaro a Najeriya

- Kakakin kungiyar, Emmanuel Waye, ya ce ya yanke kauna da gwamnatin Shugaban kasa Buhari wajen kawo karshen matsalar da ya addabi kasar

- Waye ya bayyana cewa ba zai iya tafiya zuwa jiharsa ba, Taraba, saboda tsoro, inda ya kara da cewa hakan yake a tsakanin yan arewa da dama

Sakataren kungiyar arewa ta kasa, Emmanuel Waye, ya bayyana cewa ya yanke kauna da gwamnatin Shugaban kasa Muhammadu Buhari.

Da yake hira a shirin Channels TV na Politics Today a ranar Laraba, 30 ga watan Disamba, Waye ya yi korafi a kan tabarbarewar rashin tsaro a kasar.

“Ta yaya zan yi imani da mutumin da ke jagorantar irin wannan abun? Na yi imani da shi a lokacin da na bi shi a matsayin mai rahoto sannan ya fatattaki wasu bakin haure da suka zo kashe mu,” in ji shi.

Na yanke kauna da gwamnatin Buhari, In ji kakakin kungiyar Arewa
Na yanke kauna da gwamnatin Buhari, In ji kakakin kungiyar Arewa Hoto: @MBuhari
Source: Twitter

KU KARANTA KUMA: Nade-naden mukaman siyasa da Shugaba Buhari yayi a yankuna da jihohi (dalla-dalla)

“Lokacin da yake son zama Shugaban kasa, na yi imani da shi. Na shaidi yadda mutumin nan ya fatattaki makiya daga kasarmu a 1983 cike da nasara. Amma a yanzu, an yi garkuwa da mutane 300 a jiharsa.”

Yayinda yake bayyana cewa babu tsaro a arewa gaba daya, Waye ya ce babu dan arewa da ke farin ciki da yawan kashe-kashe da hare-hare da ake kaiwa yankin.

Ta bangaren kakakin na kungiyar Arewa, tsoro ya cika shi a yanzu da yake ganin babu tsaro a hanyar zuwa mahaifarsa a jihar Taraba sakamakon rahoton da ake yawan samu na kashe-kashe da hare-hare.

“Ba zan iya zuwa mahaifata ba a Taraba. Wajen gaba daya yana cikin hargitsi, suna kashe mutane a kullun. Ba a bayyana wannan saboda babu mai a Taraba.

“A arewa gaba daya, akwai rashin tsaro. Ban taba jin ban tsira ba kamar yadda nake ji a yanzu. Me zan ce? Kun ga abunda ke faruwa da mutanenmu,” in ji shi.

KU KARANTA KUMA: Cikakken sunayen shahararrun masu mukaman siyasa 5 da Buhari ya sallama a 2020

Rashin tsaro ya kasance batu da ke tafarfasa a kasar biyo bayan hare-hare da kashe-kashe daga fashi da makami, ta’addanci da sauran abubuwa da ke barazana ga tsaro.

A wani labarin, jigon jam'iyyar APC, Sanata Abba Ali, ya yi martani a kan kara lalacewar tsaron kasar nan.

Ya ce shugaban kasa Muhammadu Buhari ya gaji wadannan matsalolin ne daga jam'iyyar PDP.

Ali, wanda ya yi magana daga Katsina, ya bayyana hakan a ranar Laraba ta wata hirar wayar tafi da gidanka da yayi da gidan talabijin na Chhannels TV a shirin siyasarmu a yau.

Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Source: Legit

Online view pixel