Ya zama dole PDP ta karbi kayen da ta sha cikin mutunci, In ji Gwamna Bala Mohammed

Ya zama dole PDP ta karbi kayen da ta sha cikin mutunci, In ji Gwamna Bala Mohammed

- Gwamnan jihar Bauchi ya magantu bayan kayen da jam'iyyarsa ta PDP ta sha a zaben cike gurbi

- Bala Mohammed ya shawarci mabiya jam'iyyar a kan su karbi sakamakon cikin mutunci domin shine nufin Allah

- Ya kuma yi kira garesu a kan kada su bari hakan ya raba kansu ko kuma a dunga ganin laifin juna

Gwamna Bala Abdulkadir Mohammed na jihar Bauchi ya bukaci mambobi da magoya bayan jam’iyyar Peoples Democratic Party (PDP) da su amshi kayen da suka sha a zaben cike gurbi na majalisar dokokin jihar da aka kammala cikin mutunci.

Gwamnan wanda ya bayyana kayen a matsayin nufin Allah ya karfafawa masu biyayya ga jam’iyyar a kan kada su bari wannan lamari na wucin-gadi ya raba kansu.

Gwamna Bala Mohammed yayinda yake bayyana kayen a matsayin darasi ga kowa, ya bayyana cewa a matsayinsu na jarumai, ya zama dole gwamnatinsa da PDP su shirya yadda za su dawo da kayen da suka sha cikin mutunci, dabaru da kuma aiki tare.

Ya zama dole PDP ta karbi kayen da ta sha cikin mutunci, In ji Gwamna Bala Mohammed
Ya zama dole PDP ta karbi kayen da ta sha cikin mutunci, In ji Gwamna Bala Mohammed Hoto: @SenBalaMohammed
Source: Twitter

KU KARANTA KUMA: Gwamnan Nasarawa ya ziyarci Borno, ya je da muhimmiyar bukata 1

“Dukkan godiya sun tabbatar ga Allah. Kayen da jam’iyyarmu ta sha darasi ne garemu dukka, amma babu wanda za a daura wa laifi.

“Ku tuna mun rasa kujeru 21 na majalisar dokokin jiha da kujeru uku na majalisar dattawa a 2019 amma Allah ya bamu nasara a zaben gwamna. Kada mu yi wasa da lamarin ta hanyar ganin laifin juna, rikicin cikin gida, zarge-zarge da kuma rashin yarda,” ya bayyana a ranar Lahadi.

Ya kuma yaba ma dukkanin mambobin PDP kan goyon bayansu da gudunmawarsu wajen tabbatar da nasarar gwamnatinsa, Channels Television ta ruwaito.

A gefe guda, jam'iyyar APC ta kara samun tabbacin cewa har yanzu 'yan Najeriya ita suke yayi, bayan ganin dumbin nasarorin da ta samu a zaben maye gurbi da aka yi, kamar yadda fadar shugaban kasa tace.

Malam Garba Shehu, babban hadimin shugaba Muhammadu Buhari a kan harkar yada labarai ya sanar da hakan.

KU KARANTA KUMA: Seriake Dickson zai wakilci Bayelsa ta Yamma a Majalisar Dattawa, ya doke APC

A wata takarda da ya saki a Abuja ranar Lahadi, 6 ga watan Disamba, kakakin shugaban kasa yace hakika Shugaba Muhammadu Buhari ya yi matukar farinciki da jin nasarorin da APC ta samu a zaben maye gurbin da aka yi.

Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Source: Legit.ng

Online view pixel