Labarai

Masu mota sun yabama Dangote kan aikin titin Obajana-Kabba

Litinin, Afirilu 09, 2018 at 9:03 Safiya daga Mudathir Ishaq 2 - tsawon mintuna

Masu mota da matafiya daga arewa zuwa Kudu da kuma kudu zuwa arewa, sun yabama gidauniya Dangote bisa ingantaccen aikin da yayi a hanyar Obana-Kabba wanda ya zamo shimfidadden titi mafi tsawo a kasar.

Sashin masu motan wanda sukayi Magana a karshen mako sun bayyana cewa aikin titin ya fara taimakawa tare da saukaka tafiye-tafiye a fadin yankunan.

Wani dan kasuwa daga Arewa, Abubakar Umar wanda ya yabama shugaban gidauniyar ta Dangote, Aliko Dangote ya bayyana aikin a matsayin babban kwanciyar hankali domin tuni ya fara saukaka tafiye-tafiye da kuma hadi a fadin yankunan.

A nasa bangaren, wani mashawarci, Mista Abdullahi A. Umar wanda kanyi tafiya daga Okene a jihar Kogi yace shi a yanzu hanyar Obana-Kabba yake bi sannan kuma yayi kira ga sauran kamfanoni da suyi koyi da Dangote.

Masu mota sun yabama Dangote kan aikin titin Obajana-Kabba

Wasu daga cikin masu motoci da suka tofa albarkacin bakunansu sun bukaci gwamnati a dukkan matakai dasu hada hannu da gidauniyan Dangote wajen aikin hanyoyi.

KU KARANTA KUMA: Gwamnan Ribas ya bayyana yadda Gwamnatin Tarayya ke nufin sa da sharri

A halin da ake ciki, manajan darakta na kamfanin da sukayi aikin titin Dandote, Mista Ashif Juma ya bayyana cewa zaa kammala aikin hanyan na Obajana-Kabba zuwa watan Disamba na wannan shekaran kamar yadda aka shirya.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng