NFF Ta Nada Sabon Kocin Super Eagles Daga Turai da Dan Kasa Ya Yi Murabus
- Hukumar NFF a Najeriya ta tabbatar da nadin sabon kocin Super Eagles daga kasar Jamus mai suna Bruno Labbadia domin jagorantar tawagar
- Nadin Labbadia na zuwa ne bayan murabus din tsohon dan kwallon kafar Najeriya, Finidi George a watan Yunin 2024 da ta gabata
- NFF ta ce ta kammala yarjejeniya da sabon kocin tawagar Super Eagles na 37 a cikin wata sanarwa da ta fitar a yau Talata
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
FCT, Abuja - Hukumar kwallon kafa ta Najeriya, NFF ta amince da nadin sabon kocin Super Eagles daga kasar Jamus, Bruno Labbadia.
Hukumar ta ce ta kammala yarjejeniya da Labbadia wanda shi ne kocin tawagar Super Eagles na 37 a tarihi bayan murabus din Finidi George.
Asali: Twitter
NFF ta nada sabon kocin Super Eagles
NFF ta bayyana haka ne da safiyar yau Talata 27 ga watan Agustan 2024 a shafinta na X inda ta ce nadin zai fara aiki nan take.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Labbadia shi ne zai maye gurbin tsohon kocin Super Eagles, Finidi George da ya yi murabus a watan Yunin 2024 yayin da ake shirin nada sabon koci.
Finidi wanda tsohon kocin kwallaon kafa ta Enyimba ne ya karbi ragamar jagorantar tawagar a watan Afrilun 2024.
Tsohon kocin ya shafe watanni biyu ne kacal kafin ya yi murabus inda ya jagoranci wasanni biyu a kungiyar.
Wasu kungiyoyin kwallon kafa Labbadia ya jagoranta?
Sabon kocin, Labbadia tsohon dan wasa ne da ya taka rawa a Kaiserslautern da Bayern Munich da Darmstadt da Hamburger da Koln da Weder Bremen da sauransu.
Daga bisani ya shiga harkar koci inda ya fara da Darmstadt da Greuther Furth da Bayer Leverkusen da Hamburger da Hertha Berlin da kuma Wolfsburg.
Super Eagles: Finidi George ya yi murabus
Kun ji cewa mun samu rahoton cewa kocin kungiyar Super Eagles, Finidi George ya yi murabus daga mukaminsa na jagorantar tawagar a Najeriya.
Murabus din bai rasa nasa da rashin tabuka wani abu bayan karbar ragamar Super Eagles da Finidi ya yi inda ake hasashen nada sabon koci daga Turai.
Asali: Legit.ng
