Hotunan Cikin Katafaren Gidan Da Ronaldo, ƳaƳansa Da Budurwarsa Su Ke Zaune a Saudiyya

• Fitaccen zakaran kwallon kafa na duniya, Cristiano Ronaldo, yana zama a wani katafaren otal tare da 'ya'yansa da budurwarsa da suke rayuwa tare a kasar Saudi Arabia
• An gano cewa, iyalan na zama ne a wuri mai dakuna 17 inda ake biyan euro 284,000 a kowannen wata bayan saka hannun kan kwantiraginsa da Al-Nassr
• Nan babu dadewa, zai koma wani katafaren gida mai darajar 12 miliyan euro a kasar Saudi Arabia, ga wasu hotunan otal din da yake a yanzu

Saudi Arabia - Shahararren 'dan wasan kwallon kafan da yayi shuhura a duniya, Cristiano Ronaldo, wanda yasa hannun kan kwantiragin shekara biyu da rabi mai darajar £177 miliyan duk shekara da Al-Nassr, yanzu haka yana zaune a daya daga cikin otal mafi kyau a kasar Saudi Arabia.

Tsohon zakaran Machester United din ya koma kasar Saudi Arabia tare da Rodriguez, budurwarsa wacce suke zama tare da 'ya'yansu biyar.

Kara karanta wannan

Har An Fara Murna, Sai AA Rano Ya Musanta Karya Farashin Litar Fetur Daga N540

Duk da haramcin zama tare tsakanin wadanda ba su yi aure ba a kasar, rahotanni sun bayyana cewa hukumomin za su daga musu kafa kan wannan dokar.

Marca.com, wata yanar gizo da ke kawo labarun wasanni sun kawo wasu hotunan katafaren otal din da ke Riyadh, babban birnin Saudi.

Ronaldo da iyalansa za su dinga zama a dakuna 17 a otal din mai matukar kayatarwa kan euro 284,000 a kowanne wata.

Za su zauna a otal din mai hawa biyu kafin su koma katafaren gidansu mai darajar euro miliyan 12 kamar yadda shafin yanar gizon ya bayyana.

Ga wasu daga cikin hotunan:

Saudi ta lankwasa dokarta saboda Ronaldo

A wani labari na daban, kasar Saudi Arabia ta tankwara dokarta saboda shahararren 'dan wasan kwallon kafa na duniya wanda kwanan nan kungiyar kwallon kafa ta kasar, Al-Nassr ta siye shi.

Kara karanta wannan

TETFund: Bayan Shekaru 10, Sababbin ‘Yan Majalisa Za Su Binciki Gwamnatin Jonathan

A dokar kasar, matukar mace da namiji ba su yi aure ba, ba su da samar zama tare kuma ana hukunta su idan aka kama hakan.

Sai dai ba hakan za ta kasance ga shahararren 'dan wasan kwallon ba da yake zama tuni da masoyiyarsa wacce suke da 'ya'ya tare amma ba su taba yin aure ba.

Asali: Legit.ng