'Ban San Me na Yi ba': Ministar da Tinubu Ya Kora Ta Ce ba Ta Taba Yin Nadama ba

• Tsohuwar Ministar mata, Barista Uju Kennedy-Ohanenye ta sake magana bayan cire ta a muƙamin Minista
• Kennedy-Ohanenye ta ce ba ta yi nadama kan ayyukanta ba yayin da take cikin majalisar Shugaba Bola Tinubu
• Tsohuwar Ministar ta bayyana cewa tana da burin ci gaba da kare muradun Tinubu duk da cire ta daga mukaminta

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

FCT, Abuja - Tsohuwar Ministar mata, Uju Kennedy-Ohanenye harkokin mata ta ce ba ta yi nadama kan ayyukan da ta gudanar ba

Kennedy-Ohanenye ya tabbatar da cewa duk da Bola Tinubu ya kore ta, za ta ci gaba da kare muradun gwamnatinsa.

Tsohuwar Minista ta fadi ƙoƙarin da ta yi

Tsohuwar Ministar ta yi wannan bayani ne a jiya Laraba 26 ga watan Disambar 2024 yayin wata hira a gidan talabijin na Channels.

Kara karanta wannan

Rashin tsaro: PDP ta jefi Tinubu da kalubalen tafiya daga Abuja zuwa Legas

Lauyar ta fadi irin kokarin da ta yi lokacin tana Minista inda ta ce ba za ta iya yin abin da ya fi haka ba.

Ta ce ko kadan babu nadama a abubuwan da ta aikata lokacin tana Minista da suka jawo ce-ce-ku-ce cikin al'umma.

'Zan ci gaba da kare Tinubu' - Tsohuwar Minista

Da aka tambaye ta dalilin da yasa shugaban kasa ya sauke ta, Kennedy-Ohanenye ta ce:

“Ba ni da wannan baiwar da zan iya sanin dalilin, kuma na yanke shawarar ba zan ma yi tunaninsa ba.’”

“Abin da ya fi muhimmanci shi ne an cire ni, kuma na koma kan abin da nake yi kafin mukamin minista."

"Ban taba yin nadamar ayyuka da abubuwan da na yi ba lokacin ina minista."

- Uju Kennedy-Ohanenye

Kennedy-Ohanenye ta kara da cewa tana nan daram a kan kare muradun Tinubu a cikin al’umma ba tare da canjawa ba.

Kara karanta wannan

Ajali ya yi: Wata tirela ta murkushe mai adaidaita sahu, bayin Allah sun rasu

Bayan korarta, tsohuwar Minista ta koma kotu

Kun ji cewa Tsohuwar ministar mata da walwalar jama'a, Uju Kennedy-Ohanenye ta koma kotu bayan korar da Bola Tinubu ya yi mata.

A cikin wani bidiyo, ta lashi takobin yakar cin zarafi, musamman a shari’o’in da suka shafi ‘yan Najeriya da ke da rauni.

Wakiltar wata yarinya ‘yar shekara biyar da aka ci zarafinta da tsohuwar ministar ta yi ya nuna jajircewarta na ganin an shimfida adalci

Asali: Legit.ng