APC Ta Kassara PDP a Zamfara, Dan Majalisar Tarayya Ya Karbi Mutane 1,500
- Jam'iyyar APC ta yi wa Gwamna Dauda Lawal Dare illa a jihar Zamfara bayan karbar masu sauya sheka daga adawa
- Hon. Aminu Sani Jaji shi ya karbi sababbin tuban zuwa APC da suka kai mutane 1,500 daga jam'iyyu daban-daban
- Jam’iyyun da mambobin nasu da suka koma APC sun hada da PDP da APGA da YPP da wasu ƙananan jam’iyyu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Zamfara - Dan Majalisar Wakilai, Aminu Jaji daga jihar Zamfara ya karɓi mutane 1,500 da suka sauya sheƙa zuwa APC
Hon. Aminu Jaji da ke wakiltar Mazabar Birnin Magaji/Kaura Namoda, ya karɓi mutane 1,500 da suka sauya sheƙa daga jam’iyyun PDP da APGA da YPP da wasu ƙananan jam’iyyu.
Asali: Facebook
Hon. Aminu Jaji ya karbi yan adawa a Zamfara
Wannan na kunshe a cikin wata sanarwa da hadimin Hon. Jaji kan bangaren yada labarai, Jamilu Iliyasu ya fitar a Gusau, cewar PM News.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ilyasu ya bayyana cewa waɗanda suka sauya sheƙar sun haɗa da shugabanni da magoya bayan jam'iyyar PDP da APGA da YPP da sauran jam’iyyu a fadin jihar.
Ya ce matakin abu ne mai kyau ga jam’iyyar APC tare da tabbatar musu da adalci da kyakkyawar dangantaka domin ƙarawa jam’iyyar ƙarfi a jihar.
A yayin taron, Hon. Aminu Jaji wanda ya samu wakilcin shugaban kungiyar Jajiyya, Alhaji Isiyaka Ajiya-Anka ya yabawa wadanda suka sauya shekar.
Zamfara: Dubban 'yan PDP da suka koma APC
A cewar Iliyasu, fitattun ‘yan siyasa da suka sauya sheƙar sun haɗa da tsohon Shugaban APGA a jihar, Alhaji Rabi’u Salisu-Bature da ɗaruruwan mambobinta, Daily Post ta ruwaito.
Haka zalika, akwai Shugaban YPP na Zamfara, Alhaji Sani Anka da ɗaruruwan mambobin YPP daga sassa daban-daban na jihar.
Sauran sun haɗa da jagoran PDP daga karamar hukumar Shinkafi da tsohon darakta-janar, Alhaji Nasiru Yusuf da tsohon dattijo kuma jigo a PDP, Malam Ibrahim Tado.
Rikicin APC ya yi kamari a Adamawa
Kun ji cewa jam’iyyar APC mai adawa ta kafa kwamitin sulhu mai mutum takwas domin daidaita rikice-rikicen cikin gida a jihar Adamawa.
An bayyana kwamitin ne yayin wani taro a Yola karkashin jagorancin mataimakin shugaban APC na Arewa maso Gabas, Mustapha Salihu.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
