An Sha Fama: Obasanjo Ya Fadi Gwagwarmayar Takara da Ya yi a 1999

• Tsohon shugaban kasa, Cif Olusegun Obasanjo ya kai ziyarar bude aiki jihar Edo yayin da ake shirin gudanar da zaben gwamna a ranar Asabar
• A yayin ziyarar, Olusegun Obasanjo ya bayyana yadda ya yi gwagwarmaya a lokacin da suke yakin neman shugabancin Najeriya a zaben 1999
• Tsohon shugaban kasar ya yi addu'a da fatan alheri ga gwamna Lucky Aiyedatiwa yayin da yake shirin karawa da sauran yan takara a jihar Ondo

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Ondo - Tsohon shugaban kasa, Cif Olusegun Obasanjo ya kai ziyarar bude wasu rukunin gidaje a Akure.

Obasanjo ya kai ziyarar ne yayin da hukumar zabe mai zaman kanta ke shirin gudanar da zaben gwamna a Ondo a ranar Asabar mai zuwa.

Legit ta tatttaro bayanai kan ziyarar Obasanjo ne a cikin wani sako da hadimin gwamnan Ondo, Ebenezer Adeniyan ya wallafa a shafinsa na Facebook.

Kara karanta wannan

Ana daf da zabe, yan APC sun watsawa Gwamna kasa a ido, sun goyi bayan dan adawa

Olusegun Obasanjo ya ziyarci jihar Ondo

Tsohon shugaban kasa, Cif Olusegun Obasanjo ya kai wata ziyara jihar Ondo domin bude wasu gidaje a birnin Akure.

Bayan bude gidajen, Obasanjo ya gana da gwamna Lucky Aiyedatiwa a gidan gwamnatin jihar Ondo.

Obasanjo ya yi fatan alheri ga gwamna Lucky Aiyedatiwa, ya yi rokon Allah ya daura shi a kan sauran yan takara.

Gwagwarmayar Obasanjo a zaben 1999

Obasanjo ya ce yakin neman zabe akwai wahala sosai saboda ya taba zaga yankin Kudu maso Yamma a rana daya a 1999.

A cewar Obasanjo, ya fara yakin neman zabe da jihar Ondo daga nan ya wuce jihar Ekiti, ya ce a lokacin da suka isa jihar Legas karfe 8:00 na dare ta yi.

Gwamna ya yi godiya ga Obasanjo

Yayin jawabi, Mai girma gwamna Lucky Aiyedatiwa ya mika godiya ga Olusegun Obasanjo kan ziyarar da ya kawo masa.

Lucky Aiyedatiwa ya ce Obasanjo ya kawo abubuwan cigaba Najeriya kuma har yanzu ana cin moriyar ayyukansa.

Kara karanta wannan

Tsohon shugaban ƙasa ya faɗi abin da matarsa ta yi lokacin da yake gidan yari

Malamai sun goyi bayan APC a Ondo

A wani rahoton, kun ji cewa wamnan Ondo, Lucky Aiyedatiwa ya yi wata ganawa da shugabannin Musulunci yayin da zaben jihar ke kara matsowa.

Malaman Musulunci a jihar Ondo sun ce kamar yadda suka goyi bayan shugaba Bola Tinubu, za su kara goyon bayan Mista Lucky Aiyedatiwa.

Muhammad Malumfashi, babban edita a sashen Hausa na Legit ya duba labarin.

Asali: Legit.ng