Jigan Jigan NNPP Sun Bar Abba da Kwankwaso, Sun Koma APC a Kano
- Wasu jiga-jigan jam'iyyar NNPP mai mulki a Kano sun watsar da tafiyar Kwankwasiyya yayin da suka koma APC
- Jiga-jigan sun samu tarba wajen mataimakin shugaban majalisar dattawa, Sanata Barau Jibrin bayan sun dawo APC
- Sanata Barau ya bayyana masu sauya sheƙar sun nuna gamsuwarsu kan irin ayyukan alherin da yake yi a jihar
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Kano - Jam'iyyar NNPP mai mulki a Kano ta samu koma baya, bayan jiga-jiganta sun tsallaka zuwa APC.
Jiga-jigan jam’iyyar NNPP na ƙaramar hukumar Dambatta sun sauya sheƙa zuwa APC mai adawa a jihar.
Asali: Twitter
Mataimakin shugaban majalisar dattawa, Sanata Barau Jibrin ne ya bayyana hakan a shafinsa na X.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Meyasa jiga-jigan NNPP suka koma NNPP?
Sanata Barau ya bayyana cewa yayin da suke sanar da ficewarsu daga tafiyar Kwankwasiyya, jagoransu Honarabul Usman Sanusi, ya ce sun gamsu da irin ayyukan alherin da yake yi a jihar.
Ya bayyana cewa shugaban APC na Dambatta, Honarabul Liman Masallachi tare da Alhaji Ado Rabiu Dan Bayero da Alhaji Yahaya Nuhu Amasaya da sauran masu ruwa da tsaki ne suka jagoranci masu sauya sheƙar zuwa gare shi.
"Ina alfahari da tarbar ɗimbin jiga-jigan NNPP da suka yanke shawarar shiga babbar jam’iyya a Afirika, APC."
"Da suke bayyana ficewarsu daga tafiyar Kwankwasiyya, ƴan wannan tawagar ƙarƙashin jagorancin Honarabul Sunusi Usman, sun bayyana jin dadin su da irin ayyukan da muke yi a jihar."
"Ɗan majalisar wakilai mai wakiltar mazabar Dambatta/Makoda ta jihar Kano, Honarabul Hamisu Ibrahim Chidari, ya taya ni wajen karɓar ƴan NNPP zuwa jam’iyyar mu."
"Na jaddada ƙudirinmu na ganin mun inganta rayuwar al’ummar Kano ta Arewa da faɗin jihar mu baki ɗaya."
- Sanata Barau Jibrin
Hadimar Gwamna Abba ta koma APC
A wani labarin kuma, kun ji cewa jarumar Kannywood kuma mai taimakawa gwamnan Kano, Asma'i Abdullahi, ta fice daga jam'iyyar NNPP da tafiyar Kwankwasiyya.
Jaruma Asma'u Abdullahi bayan ficewarta daga NNPP ta koma jam'iyyar APC mai adawa a jihar da ke yankin Arewa maso Yamma.
Asali: Legit.ng
