Kananan Hukumomi: Yan Sanda Sun Tarwatsa Matasa, An Fadi halin da Ake Ciki a Kaduna

• Yan sanda sun tarwatsa wasu matasa da ke kokarin kawo cikas a zabukan kananan hukumomi da ake cigaba da yi
• Jami'an tsaro sun jefa barkonon tsohuwa kan matasan da ke neman ta da rigima a ofishin hukumar zaben jihar da ke Gwantu
• Hakan ya biyo bayan cigaba da zaben kananan hukumomi a jihar Kaduna da ake yi a yau Asabar 19 ga watan Oktoban 2024

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Kaduna - Yayin da ake cigaba da zaben kananan hukumomi a jihar Kaduna, an fara samun matsala.

Wasu matasa sun durfafi ofishin hukumar zaben jihar, KADSIECOM a yau Asabar 19 ga watan Oktoban 2024.

Yan sanda sun watsa matasa a Kaduna

Kara karanta wannan

Kogi: An sanar da sakamakon zaben kananan hukumomi, mace tilo ta samu kujera

Yan sanda sun tarwatsa matasan da ke faman tada rigima a ofishin hukumar zaben jihar, kamar yadda Aminiya ta wallafa bidiyo.

Lamarin ya faru ne a ofishin hukumar zaben jihar da ke garin Gwantu a jihar Kaduna da ke Arewa maso Yamma.

Rahotanni sun tabbatar da cewa an samu tsaiko a wurare da dama da ake gudanar da zabukan a yau Asabar 19 ga watan Oktoban 2024.

Mafi yawan wuraren da aka samu cikas ya faru ne saboda rashin zuwan jami'an hukumar a kan lokaci.

Karanta labarai game da zabukan kananan hukumomi

• Jigawa da Ribas: Yadda Aka Ci Yan Adawa da Yaki a Zaben Kananan Hukumomi
• APC Ta Tsorata, Ta Janye daga Fafatawa a Zaben Kananan Hukumomi, Ta Fadi Dalili
• Jerin Jihohin 3 Inda APC da PDP Za Su Fafata a Zaben Yau

Kananan hukumomi: Halin da ake ciki a Kaduna

Kun ji cewa Mutane a birnin Kaduna sun yi biris da dokar hana zirga-zirga da gwamnatin jihar ta sanya domin zaɓen ƙananan hukumomin jihar.

Kara karanta wannan

Sunayen wadanda za su zama sababbin shugabannin kananan hukumomin Kaduna

Masu ababen hawa sun ci gaba da gudanar da harkokinsu duk kuwa da dokar hana zirga-zirgar da aka sanya a ranar Asabar, 19 ga watan Oktoba 2024 .

Tun da farko dai gwamnatin jihar ta sanya dokar hana zirga-zirgar daga ƙarfe 6:00 na safe zuwa ƙarfe 7:00 na Yamma.

Asali: Legit.ng