Reshe Ya Juye da Mujiya: Shugaban APC Ya Shiga Matsala bayan Dakatar da Minista
- Shugabannin APC a gundumar Toru-Ndoro da ke karamar hukumar Ekeremor sun dakatar da shugaban jam'iyyar
- Shugabannin sun dauki matakin ne kan Eniekenemi Mitin bayan dakatar da karamin Ministan mai, Heineken Lokpobiri daga jam'iyyar
- Wannan na zuwa ne bayan dakatar da Lokpobiri da Mitin ya yi kan zargin zangon-kasa ga jam'iyyar kwanaki biyu da suka wuce
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Bayelsa - Kwanaki biyu bayan dakatar da Ministan Bola Tinubu, shugaban APC ya shiga matsala.
Shugabannin APC a Toru-Ndoro da ke karamar hukumar Ekeremor sun dakatar da shugabanta, Mr Eniekenemi Mitin.
Asali: UGC
Yadda aka dakatar da Minista daga APC
Vanguard ta ruwaito cewa shugabannin jam'iyyar sun dauki matakin ne bayan Mitin ya dakatar da karamin Ministan mai, Heineken Lokpobiri.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Mitin ya dakatar da Lokpobiri da wasu jiga-jigan jam'iyyar kan zargin yi wa APC zangon-kasa da neman hada rikici a cikin jam'iyyar.
Sai dai shugabannin jam'iyyar a gundumar Toru-Ndoro sun bukaci al'umma su yi watsi da shugabancin Mitin saboda a yanzu ba shi ne shugabanta ba.
Suka ce sun dakatar da Mitin ne kan zargin cin amanar APC da kawo rarrabuwa da kuma baba-kere a sha'anin jam'iyyar.
Karanta labarai da ke da alaka da APC:
- An Shiga Rudani da Yan Bindiga Suka Hallaka Dan Takarar APC, Ana Daf da Zaɓe
- Rikicin Cikin Gida: Jam'iyyar APC Ta Dare Gida 2, Gwamna Ya Ja Zugarsa
- Ana Tsaka da Rigimar PDP, Jam'iyyar APC ta Dakatar da Ministan Tinubu da Jiga Jiganta
Tsagin PDP ya nada sabon shugaban jam'iyyar
Mun baku labarin cewa tsagin PDP ya nada sabon shugaban jam'iyyar bayan dakatar da Umar Damagum daga shugabancinta.
Kara karanta wannan
Kanin tsohon gwamna ya ayyana kansa shugaban PDP, ya kori Atiku, Wike da sauransu
Jam'iyyar ta nada tsohon shugaban ma'aikatan gwamnatin jihar Gombe, Ahmed Yayari Mohammed a matsayin shugaban jam'iyyar na rikon kwarya
Hakan ya biyo bayan barkewar rikicin cikin gida da ya daidaita jam'iyyar PDP gida biyu a yan kwanakin nan wanda har yanzu ake kai.
Asali: Legit.ng
