Mutuwar Matar Gwamna: An Shiga Jimami, PDP Ta Dakatar da Yakin Neman Zabe
- Mutuwar mai dakin mai girma gwamnan jihar Akwa Ibom, Patience Eno ta jefa jihar cikin alhini da takaici
- A sakon ta'aziyyarta ga gwamna Umo Eno, PDP a jihar ta yi addu'ar samun dangana ga iyalan marigayiyar
- Jami'in hulda da jama'a na PDP a Akwa Ibom, Edwin Ebiese ya sanar da dakatar da yakin neman zaben da ake yi
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
A'isha Ahmad edita ce a sashen Hausa na Legit.Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.
Jihar Akwa Ibom - Mazauna Akwa Ibom sun wayi gari da labarin mutuwar matar gwamnan jihar, Patience Eno bayan rashin lafiya.
Lamarin ya kidima jama'a, wanda ya sa jam'iyyar PDP ta dakatar da gangamin yakin neman zabe da ta ke yi gabanin zaben kananan hukumomi.
Asali: Facebook
TABLE OF CONTENTS
Jaridar Premium Times ta wallafa cewa za a gudanar da zaben kananan hukumomi a Akwa Ibom a ranar 26 Oktoba, 2024.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Akwa Ibom: Dalilin dakatar da yakin zaben PDP
Jaridar ta wallafa cewa a safiyar Juma'a ne jami'in hulda da jama'a na PDP a Akwa Ibom, Edwin Ebiese ya fitar da sanarwar dakatar da yakin neman zaben.
Ya ce mutuwar uwar gidan gwamna Umo Eno ya jefa su cikin bakin ciki, saboda haka aka dauki matakin dakatar da fita yawon neman kuri'ar mazauna jihar.
PDP ta ba jama'a hakuri a Akwa Ibom
Jam'iyyar PDP ta ba magoya bayanta da sauran yan jam'iyya hakuri saboda dakatar da yakin neman zaben kananan hukumomi da aka shirya yi a jihar.
Kakakin PDP na jihar Akwa Ibom, Edwin Ebiese ya nemi a taya gwamna Umo Eno alhinin wannan rashi, tare da addu'ar za su samu dangana a wannan lokaci.
Mai dakin gwamnan Akwa Ibom ta mutu
A wani labarin , mun ruwaito cewa mai dakin gwamnan jihar Akwa Ibom, Patience Eno ta koma gidan gaskiya bayan ta sha fama fa rashin lafiya.
Sanarwar da gwamnatin jihar ta fitar ta nuna cewa Misis Patience Eno ta mutu a ranar Alhamis, 26 Satumba, 2024 kuma iyalanta na tare da ita a lokacin komawarta ga Mahalicci.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
