‘Talaka Ya Amince da Tinubu,’ Sanata Ya yi Magana kan Zaben Edo

• Mataimakin shugaban majalisar dattawa, Sanata Barau Jibrin ya yi magana bayan jami'yyar APC ta lashe zaben gwamna a jihar Edo
• Sanata Barau Jibrin ya ce nasarar jami'yyar APC a zaɓen alama ce da ke nuna cewa talaka na goyon bayan tsare tsaren Bola Tinubu
• Haka zalika Barau Jibrin ya tura sako na musamman kan salon shugabancin Abdullahi Ganduje da ya ce ya jawo musu nasara a Edo

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

FCT, Abuja - Yan siyasa na cigaba da tofa albarkacin bakinsu kan nasarar da APC ta samu a zaben gwamna a jihar Edo.

Mataimakin shugaban majalisar dattawa, Sanata Barau Jibrin ya ce nasarar alama ce ta Bola Tinubu na cigaba da karɓuwa a cikin al'umma.

Kara karanta wannan

Bayan karɓe mulkin Edo, Ganduje ya jero jihohin da APC za ta ƙwace nan gaba

Legit ta tatttaro bayanan da Sanata Barau ya yi ne a cikin wani sako da ya wallafa a shafinsa na Facebook.

Amincewar talakawa ga mulkin Tinubu

Sanata Barau Jibrin ya ce nasarar da APC ta samu a Edo alama ce da ta nuna talakawan Edo sun amince da salon mulkin shugaba Bola Ahmed Tinubu.

Saboda haka Sanatan ya ce yana cike da matuƙar farin ciki kan yadda jami'yyar APC ta samu nasara a zaben.

Barau ya taya dan takarar APC murna

A daya bangaren, Sanata Barau Jibrin ya taya dan takarar APC, Monday Okpebholo murnar lashe zaben gwamna a jihar Edo da ya gudana a ranar Asabar.

Barau Jibrin ya ce wannar ba nasara ce kawai ga Monday Okpebholo ba, nasara ce ga mutanen Edo baki daya.

Barau Jibrin ya jinjinawa Ganduje

Kara karanta wannan

Tinubu ya shiga taron FEC ana rade raɗin za a kori wasu ministoci, bayanai sun fito

Sanata Barau Jibrin ya tura sakon jinjina ga shugaban jam'iyyar APC, Abdullahi Umar Ganduje kan nasarar da suka samu a zaben Edo.

Ya ce salon shugabancin Abdullahi Ganduje na cigaba da hada kan jami'yyar da ba su nasarar a wurare da dama.

Zaben Edo: Buhari ya taya APC murna

A wani rahoton, kun ji cewa hukumar INEC ta sanar da cewa dan takarar jam'iyyar APC, Monday Okpebholo ne ya lashe zaben gwamna a Edo na 2024.

Tsohon shugaban kasa Muhammadu Buhari ya tura sakon taya murna ga dan takarar APC da ya yi nasara da jami'yyar APC a Najeriya.

Muhammad Malumfashi, babban edita a sashen Hausa na Legit ya duba labarin.

Asali: Legit.ng