Edo 2024: Jerin Yawan Jihohin da APC, PDP da NNPP Ke Mulki a Najeriya
Bayan kammala zaben watan Maris din 2023, jam'iyyu daban-daban sun yi nasarar lashe takara a jihohin Najeriya.
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Daga bisani jihohin Kogi da Imo da Bayelsa sun yi zabe a watan Nuwambar 2023 inda APC ta samu jihohi biyu sai kuma PDP ta tashi da daya.
Asali: Facebook
A wannan shekara ta 2024, za a yi zabe a jihar Edo a ranar Asabar 21 ga watan Satumba yayin da a watan Nuwamba za a yi na Ondo.
Legit Hausa ta duba muku jihohin da jam'iyyu daban-daban ke mulki da suka hada da APC da PDP da LP da NNPP da APGA daga shafin Wikipedia.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Jihohin da APC ke mulki
Gombe
Gwamna Muhammadu Inuwa Yahaya ya yi nasarar lashe zaben gwamna a hannun PDP a shekarar 2019 karkashin jam'iyyar APC.
Jigawa
A jihar Jigawa, Gwamna Umar Namadi yana wa'adinsa na farko ne bayan lashe zaben da aka yi a watan Maris din 2023.
Kaduna
Gwamna Uba Sani ya gaji mulkin Kaduna daga hannun Nasir El-Rufai a watan Maris na 2023 karkashin APC.
Ragowar jihohin da ke hannun APC
Sauran sun hada da Benue da Borno da Cross River da Ebonyi da Ekiti da Imo da Katsina da kuma Kebbi.
Sai kuma Kogi da Kwara da Lagos da Nassarawa da Niger da Ogun da Ondo da Sokoto da kuma Yobe.
Jihohin da PDP ke mulki a yau
Adamawa
Gwamna Ahmadu Fintiri ya lashe zabe a karkashin jam'iyar PDP a zaben shekarar 2019.
Bauchi
Jihar Bauchi na karkashin mulkin PDP inda Bala Mohammed ke jagoranta tun zaben shekarar 2019 da aka yi.
Zamfara
Gwamna Dauda Lawal Dare ya kwace mulki daga Bello Matawalle da ke jam'iyyar APC a zaben 2023 da aka gudanar.
Sauran jihohin sun hada da Akwa Ibom da Bayelsa da Delta da Edo da Enugu da Osun da Oyo da Rivers da Plateau da kuma Taraba.
Jihohin da sauran jam'iyyun adawa ke mulki
Kano
Gwamna Abba Kabir na jam'iyyar NNPP ya yi nasarar kayar da gwamnantin APC a zaben watan Maris din 2023 da aka gudanar.
Abia
A jihar Abia kuma, jam'iyyar LP ce ta yi nasara kan PDP a zaben watan Maris din 2023 da aka yi inda Gwamna Alex Otti ke jagoranta.
Anambra
Gwamna Charles Soludo shi ya yi nasarar cin zabe a jam'iyyar APGA a zaben da aka gudanar a 2022.
Jerin yan takara 17 a zaben Edo
Kun ji cewa a ranar Asabar 21 ga watan Satumbar 2024 hukumar zaben ta sanar da cewa za a gudanar da zaben sabon gwamna a jihar Edo.
Wannan rahoto ya binciko muku dukkan yan takara 17 da za su fafata a zaben a jam'iyyu daban-daban domin zama gwamna a bana.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
