Zargin Rashin Turanci: An Garkame Hadimin Sanata Tambuwal kan Sukar Gwamna
- An tunkuda keyar hadimin Sanata Aminu Waziri Tambuwal a gidan yari bayan cin zarafin Gwamna Ahmed Aliyu na jihar Sokoto
- An cafke Shafi'u Tureta ne a ranar 25 ga watan Agusta bayan yada bidiyo da ke nuna gwamnan na kokarin hada kalmomin Turanci da kyar
- Daga bisani kotun ta dage cigaba da sauraran karar har zuwa ranar 6 ga watan Satumbar 2024 domin daukar matakin da ya dace a kansa
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
Jihar Sokoto - Rundunar yan sanda a jihar Sokoto ta gurfanar da hadimin Sanata Aminu Tambuwal kan cin zarafin gwamnan jihar.
Ana zargin Shafi'u Tureta da cin mutuncin Gwamna Ahmed Aliyu inda ya wallafa faifan bidiyo da cewa bai iya yaren Turanci ba ko kadan.
Asali: Facebook
An cafke hadimin Sanata Tambuwal
Punch ta tattaro cewa Tureta ya kuma yada takardar sakamakon gwamnan na sakandare da cewa yayi mummunan faduwa a wasu darusa.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
An gurfanar da Tureta ne a gaban kotun Majistare da ke jihar tun a ranar 25 ga watan Agustan 2024 da cewa ya aikata laifi wanda ya saba doka.
Premium Times ta ruwaito cewa ana kuma zargin Tureta da yada bidiyon matar gwamnan, Hajiya Fatima Aliyu da watsa kudi a biki duk da halin kunci da ake ciki.
Sokoto: Lauyan wanda ake zargi ya magantu
Lauyan wanda ake zargi, Al-Mustapha Abubakar ya fadawa yan jaridu cewa Tureta ya musanta aikata laifin inda ya bukaci ba shi beli.
Al-Mustapha ya ce kotun ta dage sauraran shari'ar zuwa ranar 6 ga watan Satumbar 2024 inda ta garkame Tureta a gidan gyaran hali.
Tambuwal ya tafka babban rashi a Sokoto
Kun ji cewa Sanata Aminu Waziri Tambuwal ya yi jimamin mutuwar kaninsa mai suna Alhaji Ahmed Ibrahim Tambuwal a jihar Sokoto.
Marigayin ya rasu ne a ranar Asabar 24 ga watan Agustan 2024 a Abuja bayan ya sha fama da jinya inda aka yi sallar jana'izarsa a Sokoto.
Sanata Tambuwal ya ce marigayin ya wuce dan uwa kawai, ya zama abokinsa kuma wanda ya aminta da shi matuka.
Asali: Legit.ng
