Ganduje Ya Sake Yi Wa Jam'iyyu 2 Lahani, Wasu Jiga Jigai Sun Sauya Sheƙa Zuwa APC
- Jam'iyyar PDP mai mulki a jihar Osun ta rasa wasu manyan kusoshinta waɗanda suka sauya sheƙa zuwa jam'iyyar APC
- Rahotanni sun bayyana cewa ƴaƴan PDP da ADP sama da 100 sun fice daga jam'iyyunsu zuwa APC mai mulkin Najeriya
- Masu sauya sheƙa daga PDP karkashin jagorancin tsohon sakataren ƙaramar hukuma, Alimi Surajudeen sun ɗauki mataki ne saboda an maida su saniyar ware
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Jihar Osun - Wasu jiga-jigai da mambon jam'iyyun PDP da ADP a jihar Osun sun sauya sheƙa zuwa jam'iyyar APC jiya Lahadi 21 ga watan Yuli, 2024.
Gomman masu sauya shekar sun fito ne daga yankin ƙaramar hukumar Irewole a jihar da ke Kudu maso Yammacin Najeriya.
Asali: Facebook
Masu sauya sheƙar karkashin jagorancin tsohon sakataren ƙaramar hukumar Alimi Surajudeen sun kafa hujjar cewa an maida su saniyar ware shiyasa suka bar PDP.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Meyasa jiga-jigan PDP suka koma APC?
Kamar yadda Vanguard ta tattaro, Sarajudeen ya caccaki jam'iyyar PDP karkashin Gwamna Ademola Adeleke bisa fifita ƴan uwansa da abokansa fiye da waɗanda suka yi wahala.
"Abin takaici ne ka zauna a jam'iyya, ka yi aiki tukuru amma daga karshe a yi watsi da kai. Jam'iyyar ta koma hannun ƴan dangi da abokai, ba ruwansu da wane hali mambobi ke ciki.
"Ba zan iya ci gaba da zama a irin wannan jam'iyyar ba," in ji shi.
Jam'iyyar APC ta fara shirin 2026
Da yake jawabi kan ci gaban, Manajan Darakta na hukumar kula da hanyoyin ruwa ta ƙasa, Bola Oyebanji, ya yiwa masu sauya sheƙar barka da zuwa.
Ya ce wannan sauya sheƙa na ƙara nuna yadda jam'iyyar APC ke ƙara yaɗuwa kuma ta shirya dawowa kan madafun iko a jihar Osun a zaɓen 2026, The Nation ta rahoto.
“Tun da muka bar gwamnati, APC karkashin jagorancin Adegboyega Oyetola ta ƙara tsayuwa kan ƙafafunta.
"Babu daya daga cikin mambobinmu da ya koma wata jam’iyya, kuma a yau, muna maraba da mambobi 120 daga PDP, ADP zuwa APC,” inji Oyebamiji.
APC ta karbi masu sauya sheƙa a Kaduna
A wani labarin kun ji cewa Mambobin jam'iyyun adawa na PDP, APGA da LP sun sauya sheƙa zuwa jam'iyyar APC mai mulki a jihar.
Masu sauya sheƙar su 702 sun sauya sheƙar ne a mazaɓar Makera da ke ƙaramar hukumar Kaduna ta Kudu.
Muhammad Malumfashi, babban edita a sashen Hausa na Legit ya duba labarin.
Asali: Legit.ng
