Sarautar Kano: Kwankwaso, Abba Sun Sake Shiga Matsala Kan Zargin Rubuta Wasika
- Wata kungiya a Arewacin Najeriya ta caccaki Sanata Rabiu Kwankwaso kan zargin rubuta wasika ga 'yan Majalisu
- Kungiyar ta bukaci jami'an tsaro da su sanya ido kan Kwankwaso ganin yadda yake neman kawo cikas ga Bola Tinubu
- Shugaban kungiyar Northern Patriotic Alliance Agenda, Agabi Emmanuel shi ya bayyana haka a cikin wata sanarwa
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.
FCT, Abuja - Kungiyar Northern Patriotic Alliance Agenda (NPA) ta caccaki Rabiu Kwankwaso da Abba Kabir kan neman kawo cikas a mulkin Bola Tinubu.
Kungiyar ta ce wasikar da ake zargin Kwankwaso ya rubuta yunkuri ne na neman jawo rigima da matsala ga gwamnatin Tinubu.
Asali: Twitter
Kungiya ta caccaki Kwankwaso game da Tinubu
Shugaban kungiyar, Dakta Agabi Emmanuel shi ya bayyana haka yayin ganawa da manema labarai a Abuja, Legit ta tattaro.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Emmanuel ya ce Kwankwaso ya saba dokokin tsarin mulki da kuma tsarin dimukradiyya kan zargin da ake yi kansa.
Ya bukaci a ci gaba da sanya ido musamman ta bangaren jami'an tsaro domin dakile mummunan shirinsa saboda kare al'umma, cewar PM News.
Shugaban kungiyar ya kuma ce su kula da take-taken Kwankwaso saboda neman kawo cikas ga gwamnati da zaman lafiya.
"Wannan shiri na Kwankwaso yana da matukar hatsari wanda yake neman kawo cikas ga gwamnatin Bola Tinubu."
"Muna kira ga jami'an tsaro da su sanya ido kan Kwankwaso da ake zargin yana kulle-kulle wanda zai kawo matsala a kasa."
Agabi Emmanuel
Kungiya ta juyo kan Gwamna Abba Kabir
Kungiyar ta kuma soki Abba Kabir kan watsi da al'umma da ke cikin wani hali inda ya siyasantar da koma a jihar.
"Ya kamata Gwamna Abba ya guji jefa al'umma cikin hatsari saboda rashin iya shugabancinsa da ya bayyana karara."
- Agabi Emmenuel
NNPP ta barranta da Kwankwaso kan wasika
Kun ji cewa Jam'iyyar NNPP a Najeriya ta barranta kanta da Rabiu Kwankwaso kan zargin rbuta wasika ga 'yan Majalisu.
Ana zargin Kwankwaso da rubuta wata takarda ga 'yan Majalisun NNPP domin yin bore ga Bola Tinubu kan masarautu.
Asali: Legit.ng
