Ana Shirin Zaben Gwamna, Jigon PDP Ya yi Maƙarƙashiya, Jam'iyya ta Kore Shi

• Jam'iyyun siyasa na kara shiri yayin da zaɓen gwamna ke ƙara kusantowa a jihar Edo da ke kudu maso kudancin Najeriya
• Jam'iyyar PDP ta sanar da korar jigonta kuma tsohon dan majalisar tarayya, Omoregie Ogbiede-Ihama bisa laifi da ya aikata
• PDP ta ce ta kori Omoregie Ogbiede-Ihama ne biyo bayan tattaunawa da shugabannin jam'iyyar a mazabar Oredo suka yi

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Edo - Jam'iyyun siyasa a jihar Edo na kara daura damara domin tunkarar zaben gwamna da za a yi a jihar a watan Satumba mai zuwa.

Jam'iyyar PDP a jihar ta kori tsohon dan majalisar tarayya, Omoregie Ogbiede-Ihama bisa zargin saɓa dokokin jam'iyya.

Kara karanta wannan

Gwamna ya fadi yadda APC za ta kwato mulki a jihar Edo domin samun karin jihohi

Jaridar Leadership ta ruwaito cewa shugaban PDP na yankin Oredo, Lawrence Aguebor ne ya sanar da korar tsohon dan majalisar.

An dakatar da Omoregie daga PDP

Shugaban jam'iyyar PDP a yankin Oredo, Lawrence Aguebor ya ce ba wannan ne matakin farko da jam'iyyar ta dauka a kan Omoregie Ogbiede-Ihama ba.

Lawrence Aguebor ya ce tun a watan Maris jam'iyyar ta dauki matakin dakatar da tsohon dan majalisar na tsawon kwana 30.

Shugaban ya ce kwamitin ladabtarwa na jam'iyyar ya nemi Omoregie domin ya gurfana a gabansa amma ya ki amsa gayyatar kwamitin.

Jam'iyyar PDP ta kori Omoregie

Lawrence Aguebor ya ce biyo bayan kin amsa kiran kwamitin ne jam'iyyar ta zauna domin duba lamarinsa, a cewar rahoton Channels Television.

A karshe, Lawrence Aguebor ya ce jam'iyyar ta yanke shawarin korar Omoregie Ogbiede-Ihama daga PDP saboda rashin ladabi da ya nuna.

Kara karanta wannan

"Jam'iyyar APC ta shirya kwace kujerar gwamnan PDP a 2024," Sanata ya magantu

Shugaban jam'iyyar ya ce tun a karon farko an zargi Omoregie Ogbiede-Ihama ne da aikata laifin juyawa jam'iyyar PDP baya a jihar.

APC ta yi alwashi kan zaben Edo

A wani rahoton, kun ji cewa yayin da ake shirye-shiryen zaben gwamnan jihar Edo, Abdullahi Ganduje ya sha alwashi kan samun nasara a zaben.

Shugaban jam’iyyar ya ce APC ta na da tabbacin samun nasara saboda dan takarar da ta tsayar mai kyau ne kuma zabin al’ummar jihar ne.

Asali: Legit.ng