INEC Ta Dakatar da Zaɓen Cike Gurbin da Ake Yi a Kano da Wasu Jihohi 2, Ta Jero Dalilai

• Hukumar INEC ta dakatar da zaben cike gurbin da ke gudana yau a mazaɓu uku na jihohin Kano, Enugu da Akwa Ibom
• A wata sanarwa da ta fitar ranar Asabar, INEC ta ce ta ɗauki wannan matakin ne saboda rikici, kura-kurai da sace jami'an zaɓe a jihohin uku
• Yau 3 ga watan Fabrairu, 2024, INEC ke gudanar da zaɓen cike gurbi da sauran ƙarishen zabe a jihohi 26

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

FCT Abuja - Hukumar zaɓe mai zaman kanta ta ƙasa (INEC) ta dakatar da zaben cike gurbin da ake yi a yau Asabar a wasu mazabun jihohin Kano, Enugu da Akwa Ibom.

INEC ta bayyyana cewa ta ɗauki wannan matakin ne saboda tashe-tashen hankula, tafka kura-kurai da kuma garkuwa da wasu jami'an zaɓe.

Kara karanta wannan

Jam'iyyar PDP ta haɗa kai da gwamnan APC domin su yi maguɗi a jihar Arewa? Gaskiya ta bayyana

Mazaɓun da matakin ya shafa sun hada da mazabar jihar Enugu ta kudu 1 a jihar Enugu, mazabar tarayya Ikono/Ini a jihar Akwa Ibom da kuma Kunchi/Tsanyawa a jihar Kano.

Wannan na kunshe ne a wata sanarwa da INEC ta wallafa a shafinta na manhajar X wanda aka fi sani da Twitter mai ɗauke da sa hannun kwamishinan yaɗa labarai, Sam Olumekun.

Meyasa INEC ta dakatar da zaɓukan?

A cewar INEC, "an dakatar da zaɓe a rumfunan zabe 8 na mazaɓar Enugu ta kudu 1 sabida masu kaɗa kuri'u basu tantance ainihin takardar sakamakon zaben ba kafin a fara zabe."

A Akwa Ibom kuma, INEC ta dakatar da zaben ne a rumfuna biyu, 003 a ƙaramar hukumar Ini da 003 a ƙaramar hukumar Ikono, sabida ƴan daba sun sace kayan zaɓen.

Kara karanta wannan

Zaɓe: An hana zirga-zirga a ƙananan hukumomi 8 na jihar Kaduna kan muhimmin abu

A mazabar Kunchi/Tsanyawa ta jihar Kano, INEC ta ce an dakatar da zaɓen a dukkan akwatu 10 da ke karamar hukumar Kunchi sakamakon farmaki, barna da kuma tada hargitsin da ‘yan daba suka yi.

An tsaurara tsaro a Kano

A wani rahoton kuma kun ji cewa an tsaurara matakan tsaro a rumfunan zaben da zaɓen cike gurbi ke gudana yau a mazaɓun ƴan majalisar dokoki 3 a Kano.

Rahotanni sun bayyana cewa mutane sun fito suna kaɗa kuri'a cikin kwanciyar hankali ba tare da tangarɗa ba.

Asali: Legit.ng