Ganduje Ya Fadawa Kwankwaso: Da Zarar Ka Shigo APC, Zan Zama Shugabanka
- Abdullahi Umar Ganduje, shugaban jam'iyyar All Progressives Congress (APC) na kasa ya sake tsokano rikicinsa da Sanata Rabiu Musa Kwankwaso
- A yayin da ake rade-radin yiwuwar dawowar Kwankwaso jam'iyyar APC, Ganduje ya aika masa da sako mai muhimmnaci
- Ganduje ya jadada cewa shine zai zama shugaban tsohon mai gidansa idan har ya ce zai shigo APC, kamar yadda ake hasashe
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Aminu Ibrahim ya shafe fiye da shekaru 5 yana kawo rahotanni kan siyasa, al'amuran yau da kulum, da zabe
Jihar Kano - Shugaban jam'iyyar All Progressives Congress (APC) na kasa, Abdullahi Umar Ganduje, ya tunatar da kowa musamman jagoran Kwankwasiya, Rabiu Musa Kwankwaso cewa da zarar sun shigo APC, shi zai zama shugabansu.
Ganduje, a jawabin da ya yi cikin wani bidiyo da ya yadu, ya jadada cewa idan dai maganar jam'iyyar APC ake yi, shine lamba daya kuma mutum mafi muhimmanci.
Asali: Facebook
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Kamar yadda Daily Trust ta rahoto ya ce:
"Idan kana maganan APC ne mune shugabannin APC. Ba a kananan hukumomi ba, ba a jiha ba, ba shiyya ba amma a kasa baki daya.
"Idan kai dan jam'iyyar APC ne mai kati, kana karkashin shugaban jam'iyya na kasa. Haka shugabannin gunduma, jihohi da shiyoyi.
"Idan ka shigo APC yau, kana kasa da mu kuma kai mabiyinmu ne. Yana da muhimmanci ka lura da haka; dan gida da bako duk suna karkashin mai gida."
Ganduje ya tattauna da yan APC
Ganduje, wanda ya yi wa taron yan jam'iyyar APC a Kano jawabi ya yi kira gare su kada su tada hankulansu ko su ji tsoron shigowar wani jam'iyyar APC.
Har ila yau cikin jawabinsa, Ganduje ya cigaba da cewa:
"Kamar yadda na fada muku, ko kai wanene kuma duk matsayinka ko da kai jagora ne, da ka shigo APC toh akwai kakanka a nan!".
Siyasar Kano: Ganduje Ya Magantu Kan Yiwuwar Kwankwaso Ya Koma Jam'iyyar APC Su Sake Haduwa
Tun a baya, shugaban jam'iyyar APC na kasa, Dr Abdullahi Umar Ganduje, ya bayyana kwarin gwiwar cewa za su sake zama inuwa daya da Rabiu Kwankwaso, jagoran NNPP na kasa.
Duk da tsawon lokacin da suka shafe suna zaman doya da manja, Ganduje ya ce ba abin mamaki bane shi da tsohon gwamnan su sake cure wa wuri daya domin dama tare suke.
Asali: Legit.ng
