Siyasa

Jam’iyyar PDP Ta Girgiza Bayan APC Ta Lamushe Zabukan Ciyamomi 27 da Kansiloli 312 a Borno

Updated Litinin, Janairu 22, 2024 at 11:56 Yamma daga Abdullahi Abubakar 2 - tsawon mintuna

A jiya Asabar ce 20 ga watan Janairu aka gudanar da zaben kananan hukumomi 27 a jihar Borno da ke Arewacin Najeriya
Har ila yau, an gudanar da zaben kansiloli 312 a jihar wanda jam’iyya mai mulki ta APC ta lashe dukkan zabukan
Shugaban hukumar zabe a jihar, Lawan Maina shi ya tabbatar da haka a yau Lahadi 21 ga watan Janairu

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Borno – Jam’iyyar APC ta lashe zaben dukkan kananan hukumomi 27 da ke jihar Borno a Najeriya.

Har ila yau, jam’iyyar ta kuma lashe dukkan kujerun kansiloli 312 da ke wakiltar unguwanni a jihar.

APC ta lashe zabukan kananan hukumomi 27 da kansiloli 312 — Jam'iyyar APC ta lashe zabukan ciyamomi da kansiloli a Borno. Hoto: Babagana Zulum.
Asali: Facebook

Yaushe aka gudanar da zaben?

Kara karanta wannan

Kano: Bayan rashin nasara a Kotun Koli, Ganduje ya sake shirya wargaza shirin NNPP a zabe mai zuwa

An gudanar da zaben ne a jiya Asabar 20 ga watan Janairu inda aka fafata a kananan hukumomin guda 27, cewar Daily Trust.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Shugaban hukumar zabe a jihar, BOSIEC, Alhaji Lawan Maina shi ya tabbatar da haka a yau Lahadi 21 ga watan Janairu a Maiduguri.

Lawan ya ce biyo bayan gudanar da zaben a jiya Asabar 20 ga watan Janairu sun samu sakamakon zabukan a kananan hukumomi 27.

Mene hukumar zabe ta ce a jihar?

Ya ce:

“Bayan gudanar da zaben a ranar Asabar, a yau mun samu sakamakon zabukan a dukkan kananan hukumomi 27 kamar yadda doka ta tabbatar.

“A matsayina na shugaban hukumar, ina sanar da sakamakon zabukan kamar haka:

“Jam’iyya mai mulki, APC ta lashe dukkan zabukan kananan hukumomi 27 da ke jihar.”

PM News ta tattaro Maina na cewa:

Kara karanta wannan

Yan sanda sun kama wasu mutane bayan hukuncin Kotun Koli a Kano, an samu karin bayani

“Har ila yau, jam’iyya mai mulkin ta lashe zaben kansiloli 312 a dukkan unguwannin da ke fadin jihar baki daya.

“Dalilin haka, mun kawo karshen wannan zabe, kuma za a ba da satifiket ga wadanda suka samu nasara nan ba da jimawa ba.”

Wannan na zuwa ne yayin da hukumar zabe mai zaman kanta, INEC ta sanar da ranar 3 ga watan Faburairu don gudanar da zaben cike gurbi.

APC ta yi zama kan hukuncin Kotun Koli a Kano

A wani labarin, jam’iyyar APC a jihar Kano ta yi wata ganawa ta musamman bayan hukuncin Kotun Koli a jihar.

Jam’iyyar ta yi zaman ne don duba shari’ar da kuma sake shiri don tunkarar zabukan gaba da za a gudanar.

Asali: Legit.ng

Authors:

Abdullahi Abubakar (Hausa editor) Marubuci kuma kwararren ɗan jaridan da ya shafe shekaru 3 yana rubutu a fannin siyasa da harkokin yau da kullum. Ya kammala digirin farko a jami'ar Maiduguri. Ya samu horon aikin jarida a Reuters da AFP, ya sha halartar tarukan karawa juna sani game da bincike da adabi. Tuntube shi a abdullahi.abubakar@corp.legit.ng.

Tags:

APC Jihar Borno Jam'iyyar PDP INEC Arewa